വളരെ വേഗത്തിലും എളുപ്പത്തിലും ട്രെയിൻ ടിക്കറ്റുകൾ ഇനി ബുക്ക് ചെയ്യാം. അതിനായി ഐആര്‍സിടിസിയുടെ വെബ് സൈറ്റ് ഉടൻ നവീകരിക്കും. പുതിയതായി ആന്‍ഡ്രോയ്ഡ് ആപ്പുകൂടി ഇതിനായി അവതരിപ്പിക്കുമെന്നും ബന്ധപ്പെട്ട വൃത്തങ്ങള്‍ സൂചിപ്പിച്ചു.

എളുപ്പത്തില്‍ ലോഗിന്‍ ചെയ്ത് വിവരങ്ങള്‍ വേഗം നല്‍കാന്‍ സഹായിക്കുന്നതാകും പുതിയ വെബ്‌സൈറ്റ്. ടിക്കറ്റ് ബുക്ക് ചെയ്യുന്നതിനിടെയില്‍ സമയ പരിധി കഴിഞ്ഞ് ലോഗ് ഔട്ടാകുന്ന പ്രശ്‌നവും പരിഹരിക്കും.

ട്രെയിന്‍ എത്തുന്നതും പുറപ്പെടുന്നതുമായ സമയം എസ്എംഎസ് വഴി യാത്രക്കാര്‍ക്ക് നല്‍കുന്ന സൗകര്യവും ഇതോടൊപ്പം ഒരുക്കും. യാത്രക്കിടെ ട്രെയിന്‍ വൈകുന്ന വിവരവും അടുത്ത സ്റ്റേഷനും അവസാന സ്റ്റേഷനും എത്തുന്ന സമയവും മൊബൈലില്‍ എസ്എംഎസ് ആയി അറിയിക്കും.

വൈകാനുണ്ടായ കാരണവും അതോടൊപ്പമുണ്ടാകും. ഐഎസ്ആര്‍ഒയുടെ സഹകരണത്തോടെ ഉപഗ്രഹത്തിന്റെ സഹായത്തോടെയാകും ഈ സൗകര്യം ക്രമീകരിക്കുക. എന്നാൽ നടപടികൾ എന്ന് പൂർത്തിയാകും എന്ന കാര്യം അധികൃതർ വ്യക്തമാക്കിയിട്ടില്ല.

malayalam.goodreturns.in