പുതിയ പ്രീപെയ്ഡ് 4ജി ഓഫര്‍ പ്രഖ്യാപിച്ച് റിലയന്‍സ് ജിയോ. 499 രൂപ റീച്ചാര്‍ജില്‍ 91 ജിബി ഡാറ്റയാണ് കമ്പനി വാഗ്ദാനം ചെയ്യുന്നത്. പ്രതിദിനം 1 ജിബി ഡാറ്റ എന്ന രീതിയില്‍ 91 ദിവസത്തേക്കാണ് ഓഫര്‍ ലഭ്യമാകുക.

നേരത്തേ കമ്പനി പ്രഖ്യാപിച്ച 459 രൂപ റീച്ചാര്‍ജ് ഓഫറിന് സമാനമാണ് ഇത്. 84 ദിവസത്തേക്ക് 84 ജിബി ആണ് 459 രൂപ റീച്ചാര്‍ജില്‍ ലഭിക്കുക. നേരത്തേ 399 നിരക്കില്‍ ലഭ്യമായിരുന്ന ധന്‍ ധന ധന്‍ പ്ലാനാണ് കഴിഞ്ഞ ആഴ്ച്ച കമ്പനി പരിഷ്ക്കരിച്ചത്.

അതേസമയം പ്ലാന്‍ അനുസരിച്ച്‌ ലഭ്യമായിരുന്ന സേവനങ്ങള്‍ എല്ലാം നിലനിര്‍ത്തിയിട്ടുണ്ട്. പ്രതിദിനം ഒരു ജിബി 4 ജിബി ഡേറ്റാ സേവനമാണ് ഈ പ്ലാനിന്റെ മുഖ്യ ആകര്‍ഷണം. കൂടാതെ വോയ്സ് കോളും, എസ്‌എംഎസും സൗജന്യമാണ് എന്നതാണ് ഈ പ്ലാനിനെ പ്രത്യേകത.

ഈ സാമ്പത്തിക വര്‍ഷത്തിന്റെ രണ്ടാം പാദത്തില്‍ ജിയോ 270 കോടിയുടെ നഷ്ടം നേരിട്ടിരുന്നു. ഈ പശ്ചാത്തലത്തിലാകാം ജിയോ പ്ലാനുകളിൽ മാറ്റം വരുത്തിയത്.

malayalam.goodreturns.in