സ്വർണ വില പവന് 80 രൂപ കൂടി. 22,000 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്. 2750 രൂപയാണ് ഒരു ഗ്രാമിന്റെ വില. കഴിഞ്ഞ മാസത്തെ അപേക്ഷിച്ച് പൊതുവെ കുറഞ്ഞ വിലയാണ് ഇപ്പോഴുള്ളത്.
22000 രൂപയായിരുന്നു സെപ്റ്റംബറിലെ ഏറ്റവും കുറഞ്ഞ വില. കഴിഞ്ഞ മാസം എട്ടിന് ഗ്രാമിന് 2840 രൂപ വരെ സ്വര്ണ്ണവില ഉയര്ന്നിരുന്നു. പവന് 22720 രൂപ ആയിരുന്നു അന്നത്തെ വില. ഈ വർഷത്തെ തന്നെ ഏറ്റവും ഉയർന്ന വിലയായിരുന്നു ഇത്.
21,920 രൂപയായിരുന്നു ഇന്നലത്തെ സ്വർണവില. രാജ്യത്ത് സ്വര്ണ ഇറക്കുമതി 2017-18 സാമ്പത്തിക വര്ഷം ആദ്യപാതിയില് ഇരട്ടിയിലേറെയായി വര്ദ്ധിച്ചെന്ന് വാണിജ്യ മന്ത്രാലയം കഴിഞ്ഞ ദിവസം റിപ്പോര്ട്ട് പുറത്തു വിട്ടിരുന്നു.
സ്വര്ണ ഇറക്കുമതി ഈ മാസം വീണ്ടും ഉയരുമെന്നാണ് കണക്കുകൂട്ടൽ. കഴിഞ്ഞ മാസം കുത്തനെ ഇടിഞ്ഞ സ്വർണത്തിന്റെ ഇറക്കുമതി ഈ മാസം തിരിച്ചു പിടിക്കുമെന്ന് വ്യാപാരികൾ പറയുന്നു.
malayalam.goodreturns.in