ഒരു കോടി രൂപയിൽ കൂടുതൽ വിറ്റുവരവുള്ള റെസ്റ്റോറന്റുകളിൽ എസി, നോൺ എസി ഭേദമില്ലാതെ ചരക്ക് സേവന നികുതി (ജിഎസ്ടി) 12 ശതമാനമായി ഏകീകരിക്കാൻ ശുപാ‍ർശ. നിലവിൽ എസി റെസ്റ്റോറന്റുകളിൽ 18ഉം നോൺ എസി റെസ്റ്റോറന്റുകളിൽ 12ഉം ശതമാനമാണ് ജിഎസ്ടി.

ശുപാ‍ർശകൾ അടുത്ത മാസം ​ഗുവാഹത്തിയിൽ ചേരുന്ന ജിഎസ്ടി കൗൺസിൽ തീരുമാനിക്കും. മുറിവാടക 7500 രൂപയിൽ കൂടുതലുള്ള ഹോട്ടലുകളിൽ ഭക്ഷണത്തിന് 18 ശതമാനം നികുതി ചുമത്തണമെന്നും പഞ്ചനക്ഷത്ര ഹോട്ടലുകളെ പ്രത്യേക​ ഗണമായി പരി​ഗണിക്കേണ്ടതില്ലെന്നും അസം ധനമന്ത്രി ഹിമന്ത ബിശ്വാസ് ശർമ അദ്ധ്യക്ഷനായ സമിതി ശുപാ‍ർശ ചെയ്തു.

വ്യാപാരികൾക്ക് അനുമാന നികുതി കണക്കാക്കുന്നതിന് ഇളവുകളും സമിതി ആവശ്യപ്പെട്ടിട്ടുണ്ട്. നികുതി ഇല്ലാത്ത ഉത്പന്നങ്ങളെ ഒഴിവാക്കി വിറ്റു വരവ് കണക്കാക്കുന്ന വ്യാപാരികളിൽ നിന്ന് ഒരു ശതമാനം ഈടാക്കുക.

മൊത്തം വിറ്റുവരവിന്റെ അടിസ്ഥാനത്തിൽ നികുതി നൽകുന്നവരിൽ നിന്ന് 0.5 ശതമാനം ഈടാക്കുക എന്നിങ്ങനെയാണ് ശുപാ‍ർശകൾ.

malayalam.goodreturns.in