രാജ്യത്തെ മുൻനിര ടെലികോം സേവനദാതാക്കളായ എയർടെൽ മറ്റൊരു സർപ്രൈസ് ഓഫർ കൂടി അവതരിപ്പിച്ചു. 3,999 രൂപയ്ക്ക് ഒരു വർഷം മുഴുവൻ അൺലിമിറ്റഡ് കോൾ സേവനം ലഭിക്കുന്ന ഓഫറാണ് എയർടെൽ അവതരിപ്പിച്ചത്.

അൺലിമിറ്റഡ് കോളിനൊപ്പം ഒരു വർഷത്തേക്ക് 300 ജിബി 4ജി ഡേറ്റയും ലഭിക്കും. ദിവസം 100 എസ്എംഎസുകളും അയക്കാം.

360 ദിവസാണ് ഈ പ്ലാനിന്റെ കാലാവധി. ഡേറ്റ ഉപയോഗിക്കുന്നതിന് പരിധിയില്ല. മുഴുവൻ ഡേറ്റയും ഒരു ദിവസം തന്നെ ഉപയോഗിക്കാനാകും. മാസം 334 രൂപ പ്ലാൻ (28 ദിവസം) ഉപയോഗിക്കുന്നവർക്ക് 3,999 രൂപയുടെ പ്ലാൻ ഏറ്റവും മികച്ചത് തന്നെയാണ്.

എയര്‍ടെല്‍ 3ജി സേവനങ്ങള്‍ അവസാനിപ്പിക്കാനൊരുങ്ങുന്നുവെന്ന് അടുത്തിടെ റിപ്പോർട്ടുകൾ പുറത്തു വന്നിരുന്നു. മികച്ച സേവനം നല്‍കുന്നതിന് കൂടുതല്‍ 4ജി ഉപകരണങ്ങളില്‍ കമ്പനിക്ക് നിക്ഷേപം നടത്തേണ്ടതുണ്ടെന്നും അതിനാലാണ് 3ജി സേവനങ്ങള്‍ അവസാനിപ്പിക്കുന്നതെന്നുമാണ് കമ്പനി വ്യക്തമാക്കിയത്.

malayalam.goodreturns.in