ഓഫ‍ർ നിരക്കിൽ ടിക്കറ്റുകൾ വാഗ്ദാനം ചെയ്ത് എയർ ഏഷ്യ. തിരഞ്ഞെടുക്കപ്പെട്ട റൂട്ടുകളിലേയ്ക്ക് വെറും 1,299 രൂപ മുതൽ ടിക്കറ്റുകൾ ലഭ്യമാണ്. എയർ ഏഷ്യയുടെ ഏറ്റവും പുതിയ ഓഫ‍‍ർ നേടാൻ മുൻകൂട്ടി ബുക്ക് ചെയ്യാവുന്നതാണ്.

ശക്തമായ വളർച്ചാ നിരക്കോടെ ഇന്ത്യൻ വ്യോമയാന രംഗം ഉയർന്നു വരുന്ന സമയത്താണ് എയർ എഷ്യയുടെ ഡിസ്കൗണ്ട് നിരക്കുകൾ. പ്രമോഷണൽ പരിപാടികളുടെ ഭാ​ഗമായാണ് കമ്പനി ഓഫറുമായി രം​ഗത്തെത്തിയിരിക്കുന്നത്. എയർലൈനിന്റെ വെബ്സൈറ്റിൽ ഇത് സംബന്ധിച്ച കൂടുതൽ വിവരങ്ങൾ ലഭ്യമാണ്.

ഭുവനേശ്വർ-കൊൽക്കത്ത റൂട്ടിലാണ് ഏറ്റവും കുറഞ്ഞ ടിക്കറ്റ് നിരക്കായ 1,299 രൂപ. 2017 നവംബർ 6 മുതൽ 2018 ഏപ്രിൽ 30 വരെയാണ് ഈ ഓഫർ ലഭിക്കുക.

നവംബർ 12 ആണ് ഓഫ‍ർ നിരക്കിൽ ടിക്കറ്റ് ബുക്ക് ചെയ്യാനുള്ള അവസാന ദിനം. വൺ വേ ഫ്ളൈറ്റുകൾ മാത്രമേ ഇത്തരത്തിൽ ലഭിക്കുകയുള്ളൂ.

malayalam.goodreturns.in