രാജ്യത്തെ ഏറ്റവും വലിയ ടെലികോം സേവനദാതാക്കളായ ഭാരതി എയർടെൽ പോസ്റ്റ്പെയ്ഡ്, പ്രീപെയ്ഡ് വരിക്കാർക്കായി പുതിയ ഓഫറുകൾ പ്രഖ്യാപിച്ചു. 499 രൂപയുടെ എയർടെൽ പോസ്റ്റ് പെയ്ഡ് വരിക്കാർക്കുള്ള ഓഫർ അനുസരിച്ച് 20 ജിബി മൊബൈൽ ഡാറ്റയാണ് ലഭിക്കുക.

ഈ പ്ലാനിലൂടെ ഉപഭോക്താക്കൾക്ക് അൺലിമിറ്റഡ് ലോക്കൽ, എസ്ടിഡി കോളുകളും കമ്പനി വാഗ്ദാനം ചെയ്യുന്നുണ്ട്. കൂടാതെ 448 രൂപയ്ക്ക് 70 ജിബി ഡാറ്റ ലഭിക്കുന്ന ഓഫറും കമ്പനി പ്രഖ്യാപിച്ചിട്ടുണ്ട്. ഇത് പ്രീപെയ്ഡ് വരിക്കാർക്ക് വേണ്ടിയുള്ളതാണ്. 70 ദിവസമാണ് ഈ ഓഫറിന്റെ കാലാവധി. 4G / 3G / 2G മൊബൈലുകളിൽ ഇന്ത്യയിലെ എല്ലാ ഉപഭോക്താക്കൾക്കും ഈ ഓഫർ ലഭ്യമാണ്.

വൊഡാഫോൺ റെഡ് നാഷണൽ, ഇന്റർനാഷണൽ പോസ്റ്റ് പെയ്ഡ് പ്ലാനുകൾ പ്രഖ്യാപിച്ചതിന് പിന്നാലെയാണ് എയർടെൽ പുതുക്കിയ ഓഫറുകളുമായി രംഗത്തെത്തിയിരിക്കുന്നത്.

റിലയൻസ് ജിയോയുടെ വരവോടെ ടെലികോം മേഖലയിൽ ശക്തമായ മത്സരം നേരിടുന്നതിന്റെ ഭാഗമാണ് വോഡഫോണിന്റെയും എയർടെല്ലിന്റെയും പുതിയ ഓഫറുകൾ.

malayalam.goodreturns.in