സ്വിസ് ബയോടെക് കമ്പനിയായ റോച്ചെ പ്രോഡക്ട്സിന്റെ ഇന്ത്യ മാനേജിങ് ഡയറക്ടറായി ലാറാ ബെസറയെ തെരെഞ്ഞെടുത്തു. കമ്പനി പുറത്തിറക്കിയ വാർത്താ കുറിപ്പിലാണ് ഇക്കാര്യം വ്യക്തമാക്കിയത്. 

ലാറയ്ക്ക് ഫാ‍ർമസ്യൂട്ടിക്കൽ ഇൻ‍ഡസ്ട്രിയിൽ 24 വർഷത്തെ പ്രവ‍ർത്തി പരിചയമുണ്ട്. മുമ്പ് റോച്ചെ വെനസ്വേലയുടെ ജനറൽ മാനേജർ ആയിരുന്നു ഇവ‍ർ.

ഇന്ത്യയിലെ രോഗികൾക്ക് നവീന ചികിത്സാ രീതികൾ കൊണ്ടുവരാനുള്ള റോച്ചിന്റെ പരിശ്രമങ്ങളെ ലാറ പ്രത്യേകം ശ്രദ്ധിക്കുന്നുണ്ടെന്ന് റോച്ചെ ഫാർമസ്യൂട്ടിക്കൽ ഏഷ്യാ പസഫിക് തലവൻ ക്രിസ്റ്റീൻ ഹമാക്കർ പറഞ്ഞു.

റോച്ചെ ഇന്ത്യൻ സംഘം ഇതിനകം തന്നെ നൂതനമായ ആരോഗ്യ പരിചരണ രീതികൾ ആവിഷ്ക്കരിക്കുന്നതിൽ മികച്ച പുരോഗതി ഉണ്ടാക്കിയിട്ടുണ്ട്, ലാറാ വ്യക്തമാക്കി. ബ്രസീലിലെ ഫണ്ടാക്കോ ഗെറ്റോലിയാ വർഗാസ് യൂണിവേഴ്സിറ്റിൽ നിന്നാണ് ലാറാ ബെസറ ബിസിനസ് അഡ്മിനിസ്ട്രേഷനിൽ ബിരുദം നേടിയത്.

malayalam.goodreturns.in