സെപ്തംബർ അവസാനത്തിൽ രാജ്യത്തെ ഏറ്റവും വലിയ മരുന്ന് നിർമ്മാണ കമ്പനിയായ സൺ ഫാർമയുടെ അറ്റാദായം 59 ശതമാനം ഇടിഞ്ഞ് 912.1 കോടി രൂപയിലെത്തി. ജനറിക് ബ്ലഡ് കാൻസർ മരുന്നായ ഇമാറ്റിനിബിനായുള്ള മത്സരത്തിന്റെ ഭാ​ഗമായി കഴിഞ്ഞ വർഷം കമ്പനി ലാഭം നേടിയിരുന്നു.

കഴിഞ്ഞ വർഷത്തെ ഇതേ കാലയളവിൽ കമ്പനിയുടെ അറ്റാദായം 2235 കോടി രൂപയായിരുന്നു. വരുമാനം 19.5 ശതമാനം കുറഞ്ഞ് 6650 കോടി രൂപയായി. കഴിഞ്ഞ വർഷം ഇതേ കാലയളവിൽ ഇത് 8260 കോടി രൂപയായിരുന്നു.

കമ്പനിയുടെ മൊത്തം ചെലവ് 6.24 ശതമാനം വർധിച്ച് 579 കോടി രൂപയായി. എന്നാൽ വിദ​ഗ്ധരുടെ പ്രതീക്ഷകളേക്കാൾ കുറവായിരുന്നു കമ്പനിയുടെ ലാഭം.

രണ്ടാം പാദത്തിൽ യുഎസ് വിപണിയുടെ വിൽപ്പന 44 ശതമാനം ഇടിഞ്ഞ് 309 മില്യൺ ഡോളറിലെത്തിയിരുന്നു. സൺ ഫാർമയുടെ വരുമാനത്തിൽ 30 ശതമാനം യു.എസിൽ നിന്നുള്ളതാണ്.

malayalam.goodreturns.in