‌നന്ദൻ നിലേക്കനി ഇൻഫോസിസ് ചെയർമാൻ സ്ഥാനം ഏറ്റെടുത്തതോടെ എല്ലാ പ്രശ്നങ്ങളും പരിഹരിക്കപ്പെട്ടുവെന്ന് ഇൻഫോസിസ് സ്ഥാപകരിലൊരാളായ എൻ.ആർ. നാരായണമൂർത്തി പറഞ്ഞു.

ബാംഗ്ലൂരിലെ ഇൻഫോസിസ് കാമ്പസിൽ വച്ചാണ് ‌അദ്ദേഹം ഇക്കാര്യം വെളിപ്പെടുത്തിയത്. ഇൻഫോസിസ് സയൻസ് ഫൌണ്ടേഷൻ അവാർഡുകൾ പ്രഖ്യാപിക്കാൻ നിലേക്കനിക്കും മറ്റ് സ്ഥാപക‍ർക്കുമൊപ്പം എത്തിയതായിരുന്നു അദ്ദേഹം.

ഓഗസ്റ്റിൽ വിശാൽ സിക്ക രാജി വച്ചതിനെ തുടർന്നാണ് നിലേകനി രാജ്യത്തെ രണ്ടാമത്തെ വലിയ ഐടി സ്ഥാപനമായ ഇൻഫോസിസിന്റെ നോൺ എക്സിക്യൂട്ടീവ് ചെയർമാനായി ചുമതലയേറ്റത്.

നിലേക്കനി എത്തിയതോടെ ഇനി ടെൻഷനില്ലാതെ സുഖമായി ഉറങ്ങാൻ കഴിയുമെന്ന് അടുത്തിടെ നിക്ഷേപകരുമായി സംസാരിച്ചതായി മൂർത്തി പറഞ്ഞു. ​കമ്പനിയുമായി ബന്ധപ്പെട്ട് നിരവധി സങ്കീർണതകളുണ്ടായിരുന്നു. എന്നാൽ നിലേക്കനിയുടെ ശക്തിയിൽ സങ്കീർണമായവയെന്തും ലളിതമാകുമെന്നും അദ്ദേഹം പറഞ്ഞു.

malayalam.goodreturns.in