ജിഎസ്ടി കൗൺസിലിന്റെ പുതിയ തീരുമാനമനുസരിച്ച് ചില ഉത്പന്നങ്ങളുടെ വില ഇന്നു മുതൽ കുറയും. ജിഎസ്ടി നിരക്ക് കുറയ്ക്കുന്നതാണ് ഇതിന് കാരണം. ഏതൊക്കെ ഉത്പന്നങ്ങളുടെ വിലയാണ് കുറയുന്നതെന്ന് നോക്കാം...

വയർ, കേബിൾ, ഇൻസുലേറ്റ്ഡ് കണ്ടക്ടർ, ഇലക്ട്രിക്കൽ ഇൻസുലേറ്ററുകൾ, ഇലക്ട്രിക് പ്ലഗ്സ്, സ്വിച്ച്സ്, സോക്കറ്റുകൾ, ഫ്യൂസുകൾ, ഫർണിച്ചർ, കട്ടിൽ, ചെരുപ്പ്, ഫർണിച്ചറുകൾ, സ്യൂട്ട്കേസ്, വാനിറ്റി ബാ​ഗ്, യാത്ര ബാഗുകൾ, മറ്റ് ഹാൻഡ് ബാഗുകൾ, ചോക്ലേറ്റ്, ച്യൂയിം​ഗം എന്നിവയുടെ വില കുറയും. 28 ശതമാനത്തിൽ 18 ശതമാനമായാണ് ഇവയുടെ ജിഎസ്ടി നിരക്ക് കുറയുക.

മധുര പലഹാരങ്ങൾ, ധാന്യങ്ങൾ, ചമ്മന്തിപ്പൊടി എന്നിവയുടെ വില 18 ശതമാനത്തിൽ നിന്ന് അഞ്ച് ശതമാനമായി കുറയും. തേങ്ങ, ലെതർ, കയർ, ചണം, മത്സ്യബന്ധന വലകൾ, ഇഷ്ടിക എന്നിവയുടെ നിരക്ക് 12 ശതമാനത്തിൽ നിന്ന് 5 അഞ്ച് ശതമാനമായി കുറയും.

മധുരക്കിഴങ്ങ്, ഉണക്കിയ പച്ചക്കറികൾ, ഉണക്ക മീൻ എന്നിവയ്ക്ക് ഇന്നു മുതൽ ജിഎസ്ടി ഇല്ല. മുമ്പ് അഞ്ച് ശതമാനമായിരുന്നു ഇവയുടെ ജിഎസ്ടി.

malayalam.goodreturns.in