ഏഷ്യയിലെ ഏറ്റവും സമ്പന്ന കുടുംബമായി മുകേഷ് അംബാനിയുടെ കുടുംബത്തെ ഫോബ്സ് മാ​ഗസിൽ തെരെഞ്ഞെടുത്തു. 19 ബില്യൺ ഡോള‍ർ ഉയർന്ന് 44.8 ബില്യൺ ഡോളറാണ് കുടുംബത്തിന്റെ ആസ്തി.

സാംസംങ് കുടുംബത്തെ മറികടന്നാണ് മുകേഷ് അംബാനി ഈ നേട്ടം കൈവരിച്ചിരിക്കുന്നത്. ഏഷ്യയിലെ ഏറ്റവും മികച്ച 10 ധനിക കുടുംബങ്ങളിലെ ഏക ഇന്ത്യൻ കുടുംബമാണ് അംബാനിയുടേത്. എന്നാൽ ആകെ ലിസ്റ്റിൽ 18ഓളം ഇന്ത്യൻ കുടുംബങ്ങൾ ഉൾപ്പെട്ടിട്ടുണ്ട്.

റിലയൻസ് ജിയോയുടെ സ്വീകാര്യതയാണ് മുകേഷ് അംബാനിയെ ഈ സ്ഥാനത്തിനർഹനാക്കിയത്. 2016ൽ ആരംഭിച്ച റിലയൻസ് ജിയോയ്ക്ക് ഇതുവരെ 140 മില്യൺ വരിക്കാരെ നേടാൻ സാധിച്ചു.

പ്രേംജീസ് (11-ാം സ്ഥാനം), ബി‍ർള (19-ാം സ്ഥാനം), ഗോദ്റെജ് (20-ാം സ്ഥാനം), ബജാജ് (26-ാം സ്ഥാനം), ജിൻഡാൽ (32-ാം സ്ഥാനം), ബർമാൻസ് (35-ാം സ്ഥാനം), ശ്രീ സിമന്റ്സ് ബംഗൂർ (37-ാം സ്ഥാനം) എന്നിവയാണ് പട്ടികയിലുൾപ്പെട്ട മറ്റ് പ്രമുഖ കുടുംബങ്ങൾ.

malayalam.goodreturns.in