വിജയ് മല്യയുടെ യുണൈറ്റഡ് ബ്രീവറീസിന്റെ പേരിലുള്ള ബാങ്ക് അക്കൗണ്ട്, ഡീമാറ്റ് അക്കൈണ്ട്, മ്യൂച്വൽ ഫണ്ട് അക്കൗണ്ടുകൾ എന്നിവ സെക്യൂരിറ്റി എക്‌സ്‌ചേഞ്ച് ബോര്‍ഡ് ഓഫ് ഇന്ത്യ (സെബി) പിടിച്ചെടുത്തു.

2015ൽ സെബി ചുമത്തിയ പിഴ അടയ്ക്കാത്തതിനെ തുടർന്നാണ് നടപടി. 18.5 ലക്ഷം രൂപയാണ് അടയ്ക്കേണ്ട തുക. 15 ലക്ഷം രൂപ പിഴയും 3.5 ലക്ഷം രൂപ പലിശയും ചേ‍ർത്തതാണ് ആകെ തുക.

അത് സംബന്ധിച്ച് ബാങ്കുകള്‍, മ്യൂച്വല്‍ ഫണ്ട് എഎംസികള്‍, ഡെപ്പോസിറ്ററികള്‍ എന്നിവയ്ക്ക് സെബി നിര്‍ദേശം നല്‍കിയിട്ടുണ്ട്. ഈ അക്കൗണ്ടുകളിൽ നിന്ന് ഇനി സെബിയുടെ അനുവാദമില്ലാതെ പണം പിൻവലിക്കാൻ സാധിക്കില്ല.

ബാക്ക് ലോക്കറുകൾ ഉൾപ്പെടെ സെബി പിടിച്ചെടുത്തിരിക്കുകയാണ്. 2016 മാ‍ർച്ച് രണ്ടിനാണ് വിജയ് മല്യ ഇന്ത്യ വിട്ടത്. ഇപ്പോൾ യുകെയിലാണ് താമസം.

malayalam.goodreturns.in