റീട്ടെയില്‍ വിപണിയില്‍ തരംഗം സൃഷ്ടിക്കാന്‍ റിലയന്‍സ് ജിയോയുടെ പുതിയ പദ്ധതി. ഇ-കൊമേഴ്‌സ് വിപണിയുടെ മറ്റൊരു രൂപം കൊണ്ടുവരാനാണ് മുകേഷ് അംബാനിയുടെ പുതിയ പദ്ധതി.

ആമസോണ്‍, ഫ്‌ലിപ്കാര്‍ട്ട് പോലുള്ള കമ്പനികള്‍ക്കു പദ്ധതി വെല്ലുവിളിയായിരിക്കും. ഉപഭോക്താക്കള്‍ക്കു കുറഞ്ഞ നിരക്കില്‍ ഡേറ്റ നല്‍കിയ പോലെ കുറഞ്ഞ നിരക്കില്‍ ഉല്‍പന്നങ്ങള്‍ വാങ്ങാന്‍ അവസരമൊരുക്കുകയാണ് ജിയോ.

സാങ്കേതികത, ഇ-കൊമേഴ്‌സ്, ജിയോ മണി, ചെറിയ കിരാന സ്റ്റോറുകള്‍ (ഓഫ്‌ലൈന്‍ റീട്ടെയില്‍ ഷോപ്പ്) എന്നീ ഘടകങ്ങളെല്ലാം ബന്ധിപ്പിച്ചാണ് അംബാനി പുതിയ പദ്ധതി ആരംഭിക്കുന്നത്.

ഇതിന്റെ പൈലറ്റ് പ്രൊജക്ട് മുംബൈ, ചെന്നൈ, അഹമ്മദാബാദ് നഗരങ്ങളില്‍ ആരംഭിച്ചിട്ടുണ്ട്. അടുത്ത വര്‍ഷം പദ്ധതിയുടെ ഔദ്യോഗിക പ്രഖ്യാപനം ഉണ്ടാകുമെന്നാണ് റിപ്പോര്‍ട്ട്. ജിയോ മണിയുടെ റീചാര്‍ജ് ക്യാഷ്ബാക്ക് കൂപ്പണുകള്‍ ഉപയോഗിച്ച് റീട്ടെയില്‍ കച്ചവടം വ്യാപിപ്പിക്കാനാണ് ലക്ഷ്യം. ജിയോ വരിക്കാര്‍ക്കായി പ്രത്യേകം ഓഫര്‍ നല്‍കും.

malayalam.goodreturns.in