വിമാനയാത്ര ഇനി ഊബ‍ർ മാതൃകയിൽ

വിമാനയാത്രയ്ക്ക് ഊബർ മാതൃകയിലുള്ള സേവനമൊരുക്കാൻ കേരളം ആസ്ഥാനമായ എന്റർപ്രൈസസ് സോഫ്ട്‍വെയർ കമ്പനിയായ ഐബിഎസ് ഒരുങ്ങുന്നു. കോടിക്കണക്കിന് രൂപയുടെ നിക്ഷേപമാണ് ഇതുവഴി കമ്പനി ലക്ഷ്യമിടുന്നത്.

2019ൽ ആ​ഗോള തലത്തിൽ പദ്ധതി ആവിഷ്കരിക്കുമെന്ന് ഐബിഎസിന്റെ സ്ഥാപകനും എക്സിക്യൂട്ടീവ് ചെയർമാനുമായ വി.കെ. മാത്യൂസ് പറഞ്ഞു. ലോകത്തെവിടെയുമുള്ള ഹോട്ടലുകളും ഹോളിഡേ പാക്കേജുകളും ബുക്ക് ചെയ്യാനുള്ള സൗകര്യവും ഈ പ്ലാറ്റ്ഫോമിലുണ്ടാകും.

മൊബൈൽ ആപ്പിന്റെ സഹായത്തോടെ ഏറ്റവുമെളുപ്പം എവിടെയിരുന്നും ടാക്സി ബുക്ക് ചെയ്യാനുള്ള സൗകര്യമാണ് അമേരിക്ക ആസ്ഥാനമായ ഊബർ ഒരുക്കുന്നത്. ഇതേ മാതൃകയിൽ തന്നെ വ്യോമയാന സേവനവും എത്തിക്കുകയാണ് ഐബിഎസിന്റെ ലക്ഷ്യം. ഡിജിറ്റൽ സാങ്കേതിക വിദ്യയുടെ സാധ്യത പൂർണമായി പ്രയോ​ഗനപ്പെടുത്തുന്നതായിരിക്കും പ​ദ്ധതി.

ഐബിഎസിന്റെ പ്രാധമിക ഓഹരി വിൽപ്പന (ഐപിഒ) 2021ഓടെ നടത്താനും പദ്ധതിയുണ്ട്. അമേരിക്കൻ ഓഹരി വിപണിയിലായിരിക്കും ഓഹരികൾ ലിസ്റ്റ് ചെയ്യാൻ സാധ്യതയെന്നും വി.കെ. മാത്യൂസ് പറഞ്ഞു.

malayalam.goodreturns.in