തക്കാളി വില കുതിക്കുന്നു. ഡൽഹിയിൽ ഒരു കിലോയ്ക്ക് 80 രൂപയാണ് ഇന്നത്തെ വില. കേരളത്തിലും തക്കാളിയ്ക്ക് വില വര്‍ദ്ധിച്ചിട്ടുണ്ട്. കിലോയ്ക്ക് അറുപത് രൂപയാണ് തിരുവനന്തപുരത്തെ വില.

തക്കാളി ഉത്പാദന സംസ്ഥാനമായ കര്‍ണാടകയിലെ ബംഗളൂരുവില്‍ കിലോയ്ക്ക് നാല്‍പ്പത് മുതല്‍ നാല്‍പ്പത്തഞ്ച് വരെയാണ് ചില്ലറ വില്‍പ്പന വിപണിയില്‍ നല്‍കേണ്ടി വരുന്നത്. മിസോറാമിലെ ഐസ്വാളില്‍ 95 മുതല്‍ നൂറ് രൂപ വരെ വിലയായതായും വിപണിയില്‍ നിന്നുളള കണക്കുകള്‍ വ്യക്തമാക്കുന്നു.

തക്കാളിയുടെ ലഭ്യതക്കുറവാണ് വില വര്‍ദ്ധനയ്ക്ക് കാരണമായിരിക്കുന്നത്. അടുത്തിടെ കര്‍ണാടകത്തിലും മധ്യപ്രദേശിലുമുണ്ടായ ശക്തമായ മഴയാണ് ഇതിന് കാരണം.

കഴിഞ്ഞ കൊല്ലം ഇതേ സമയം മുപ്പത് മുതല്‍ മുപ്പത്തഞ്ച് രൂപ വരെ വിലക്ക് ലഭ്യമായിരുന്ന തക്കാളിയ്ക്കാണ് ഡല്‍ഹിയില്‍ ഇപ്പോള്‍ 90 രൂപ വരെ ആയിരിക്കുന്നത്. വിപണിയിലെത്തുന്ന തക്കാളിയില്‍ 25ശതമാനം വരെ കുറവുണ്ടായതായും വ്യാപാരികള്‍ പറയുന്നു.

malayalam.goodreturns.in