റിലയന്‍സ് ജിയോയുടെ 799 രൂപയുടെ പ്ലാനിനെ വെല്ലുവിളിക്കാനായി എയര്‍ടെല്‍ 799 രൂപയുടെ പുതിയ പ്ലാനുമായി രംഗത്ത്. എയര്‍ടെല്‍ ഓഫര്‍ പ്രകാരം പരിധിയില്ലാത്ത ലോക്കല്‍ എസ്ടിഡി കോളുകളും പ്രതിദിനം 3.5 ജിബി ഡാറ്റയും ലഭിക്കും.

28 ദിവസമാണ് ഈ പ്ലാനിന്റെ കാലാവധി. ജിയോ ഓഫറില്‍ 28 ദിവസത്തേക്ക് ദിവസേന മൂന്ന് ജിബി ഡാറ്റയാണ് ലഭിക്കുക. ഒപ്പം പരിധിയില്ലാത്ത ലോക്കല്‍ എസ്ടിഡി കോളുകളും 300 എസ്എംഎസും ലഭിക്കും.

ജിയോയുടെ 799 രൂപയുടെ പ്ലാനിനേക്കാള്‍ ലാഭകരമാണ് എയര്‍ടെലിന്റെ പ്ലാന്‍. 500 എംബിയാണ് എയര്‍ടെല്‍ പ്ലാനില്‍ ജിയോയെ അപേക്ഷിച്ച് കൂടുതല്‍ ലഭിക്കുന്നത്.

എയർടെല്ലിനോടുള്ള മത്സരത്തിന്റെ ഭാഗമായി 5ജി മൊബൈല്‍ സേവനങ്ങളും എയർടെൽ നൽകാനൊരുങ്ങുന്നുണ്ട്. ഇത് സംബന്ധിച്ച് എയര്‍ടെല്ലുമായി ധാരണയിലെത്തിയെന്ന് സ്വീഡിഷ് ടെലികോം കമ്പനിയായ എറിക്സന്‍ കഴിഞ്ഞ ദിവസം വെളിപ്പെടുത്തിയിരുന്നു. നിലവില്‍ 4ജി സേവനങ്ങള്‍ക്കായി എറിക്സന്‍-എയര്‍ടെല്‍ സഹകരണമുണ്ട്. 2020ഓടെ രാജ്യത്ത് 5ജി സേവനങ്ങള്‍ ആരംഭിക്കാനാണ് പദ്ധതി.

malayalam.goodreturns.in