സംസ്ഥാത്ത് വെളിച്ചെണ്ണ വില കുതിച്ചുയരുന്നു. ഇതുവരെയുള്ള റെക്കോ‍ർഡുകൾ തക‍ർത്താണ് വില കത്തിക്കയറുന്നത്. ചില്ലറ വിപണിയിൽ വെളിച്ചെണ്ണയുടെ വില 200 കടന്നു.

വെള്ളിയാഴ്ച്ച മൊത്തവില കൊച്ചിയിൽ ക്വിന്റലിന് 19000 രൂപയും കോഴിക്കോട് 21300 രൂപയും തൃശൂരിൽ 18100 രൂപയുമാണ്. പായ്ക്കറ്റിൽ ലഭിക്കുന്ന ബ്രാൻഡഡ് വെളിച്ചെണ്ണയ്ക്ക് ലിറ്ററിന് 220 രൂപ മുതൽ 250 രൂപ വരെയായി വില ഉയ‍ർന്നു.

സപ്ലൈകോ മാർക്കറ്റുകളിൽ സബ്സിഡിയോടെയുള്ള വെളിച്ചെണ്ണ ലഭിക്കാനില്ലാത്തതും സാധാരണക്കാർക്ക് തിരിച്ചടിയായിട്ടുണ്ട്. വെളിച്ചെണ്ണ വില അമിതമായി ഉയർന്നിട്ടും മാവേലി സ്റ്റോറുകളിലും സപ്ലൈകോ സൂപ്പർ മാർക്കറ്റുകളിലും അവ ആവശ്യത്തിന് ലഭ്യമാക്കാൻ നടപടി ഉണ്ടാകുന്നില്ല.

ശബരി ബ്രാൻഡ് വെളിച്ചണ്ണ, കേരഫെഡി​െൻറ കേരവെളിച്ചെണ്ണ എന്നിവയാണ് മാവേലി സ്റ്റോറുകൾ വഴി ലഭിച്ചിരുന്നത്. എന്നാൽ, പല സ്റ്റോറുകളിലും ഇത് കിട്ടാനില്ലാത്ത സ്ഥിതിയാണ്. വെളിച്ചെണ്ണയുടെ വില വർധിച്ചതോടെ മായം കലർന്ന വെളിച്ചെണ്ണ വിപണിയിൽ വ്യാപകമാകുന്നതായും പരാതിയുണ്ട്.

malayalam.goodreturns.in