അടുത്ത ഏഴ് വർഷത്തിനുള്ളിൽ ഇന്ത്യയുടെ ജിഡിപി ഇരട്ടിയാകുമെന്ന് മുകേഷ് അംബാനി. 2030 ആകുമ്പോഴേക്കും 10 ട്രില്യൺ ഡോളറിലെത്തുമെന്നും 21-ാം നൂറ്റാണ്ടിന്റെ പകുതിയാകുമ്പോഴേക്കും ഇന്ത്യ ചൈനയെ പിന്നിലാക്കുമെന്നും അദ്ദേഹം പറഞ്ഞു.

എച്ച്ടി ലീഡർഷിപ്പ് ഉച്ചകോടിയിൽ സംസാരിക്കവേയാണ് അംബാനി ഇക്കാര്യം വ്യക്തമാക്കിയത്. അടുത്ത 10 വർഷങ്ങളിൽ ഇന്ത്യൻ സമ്പദ്വ്യവസ്ഥ 7 ട്രില്യൺ ഡോളറായി ഉയർത്തുമെന്നും ലോകത്തിലെ മൂന്നാമത്തെ വലിയ സമ്പദ് വ്യവസ്ഥയായി മാറുമെന്നും അദ്ദേഹം കൂട്ടിച്ചേർത്തു.

സാങ്കേതികവിദ്യ, ജനാധിപത്യം, മികച്ച ഭരണം എന്നിവയെ അടിസ്ഥാനമാക്കിയുള്ള സമഗ്രമായ വളർച്ച കൈവരിക്കുന്ന മറ്റ് രാജ്യങ്ങൾക്ക് തന്നെ മാതൃകയാണ്. അതുകൊണ്ട് തന്നെ ഈ നൂറ്റാണ്ടിൽ തന്നെ അമേരിക്കയെയും ചൈനയെയും മറികടക്കുന്ന ലോകത്തിലെ ഏറ്റവും സമ്പന്നമായ രാഷ്ട്രമായി ഇന്ത്യ മാറുമെന്നും മുകേഷ് അംബാനി ഉച്ചകോടിയിൽ പറഞ്ഞു.

സാങ്കേതിക വിദ്യ ഇന്ത്യയുടെ വളർച്ചയ്ക്ക് പിന്നിലെ പ്രധാന ഘടകമാണെന്നും മികച്ചതും വ്യത്യസ്തവുമായ ഒരു വികസിത മോഡലാണ് ഇന്ത്യയുടേതെന്നും അദ്ദേഹം ചൂണ്ടിക്കാട്ടി.

malayalam.goodreturns.in