ഇന്ത്യൻ റെയിൽവേ ടിക്കറ്റ് കൗണ്ടറുകളിൽ ഇനി മുതൽ യുപിഐ / ഭീം ആപ്പ് വഴി ട്രെയിൻ ടിക്കറ്റുകൾ ബുക്ക് ചെയ്യാം. ഐ.ആർ.സി.ടി.സി വെബ്സൈറ്റിൽ ഓൺലൈനായി ടിക്കറ്റ് ബുക്ക് ചെയ്യുന്നതിന് നേരത്തെ തന്നെ യുപിഐ/ ഭീം ആപ്പ് വഴിയുള്ള പേയ്മെന്റ് സൗകര്യം നടപ്പിലാക്കിയിട്ടുണ്ട്.

യൂണിഫൈഡ് പേയ്മെന്റ് ഇന്റർഫേസ് (യുപിഐ) അടിസ്ഥാനമാക്കി നാഷണൽ പേയ്മെന്റ്സ് കോർപ്പറേഷൻ ഓഫ് ഇന്ത്യ (എൻപിസിഐ) വികസിപ്പിച്ചെടുത്തതാണ്. ഭീം ആപ്ലിക്കേഷൻ വഴി ദിവസേനയുള്ള ഇടപാടുകൾ ഇപ്പോൾ 2.8 ലക്ഷത്തിൽ വരെയാണ് എത്തി നിൽക്കുന്നത്.

ട്രെയിൻ ടിക്കറ്റ് ബുക്കിംഗിനായി പുതിയ രീതി സ്വീകരിക്കുന്ന യാത്രക്കാർക്ക് ആദ്യ മൂന്നു മാസത്തേക്ക് ട്രാൻസാക്ഷൻ ചാർജ് ഉണ്ടായിരിക്കുന്നതല്ല. കൂടാതെ പേയ്മെന്റ് സ്ഥിരീകരിക്കാൻ യാത്രക്കാരന് മൊബൈലിലെ പേയ്മെന്റ് കൺഫ‍ർമേഷൻ മെസേജ് ലഭിക്കും.

ഭീം ആപ്പ് വഴി ഒരേ സമയം ഒന്നിലധികം ബാങ്കുകൾ വഴി പണമിടപാട് നടത്താം.

malayalam.goodreturns.in