ടെലികോം കമ്പനിയായ വൊഡാഫോൺ മൈക്രോമാക്സുമായുള്ള പങ്കാളിത്തം നീട്ടി. മൈക്രോമാക്സിന്റെ 4ജി സ്മാർട്ട്ഫോണുകൾ ഉപയോഗിക്കുന്ന വൊഡാഫോൺ ഉപഭോക്താക്കൾക്ക് 2200 രൂപയുടെ ക്യാഷ്ബാക്ക് ഓഫറാണ് കമ്പനി വാഗ്ദാനം ചെയ്യുന്നത്.

ഭാരത് 2 പ്ലസ്, ഭാരത് 3, ഭാരത് 4, കാൻവാസ് 1തുടങ്ങിയ സ്മാർട്ട്ഫോൺ മോഡലുകൾക്കാണ് ഈ ഓഫർ ലഭിക്കുക. കൂടാതെ ഓഫർ ലഭിക്കുന്നതിന് ഉപഭോക്താക്കൾ അവരുടെ ഫോണുകൾക്ക് കുറഞ്ഞത് 150 രൂപയ്ക്ക് 36 മാസത്തേക്ക് എങ്കിലും റീചാർജ് ചെയ്യേണ്ടി വരും.

18 മാസം ഇത്തരത്തിൽ റീചാർജ് ചെയ്താൽ 900 രൂപ ആദ്യ കാഷ്ബാക്ക് ലഭിക്കും. അടുത്ത 18 മാസത്തിന് ശേഷം 1,300 രൂപ കൂടി ലഭിക്കുന്നതോടെ ആകെ 2,200 രൂപ ക്യാഷ്ബാക്ക് ലഭിക്കും.

ഉപഭോക്താക്കൾക്ക് വൊഡാഫോൺ എം-പേസ വാലറ്റ് വഴിയാണ് പണം ലഭിക്കുക. മുമ്പ് ഭാരതി എയർടെൽ കാർബൺ മൊബൈൽസ്, സെൽകോൺ എന്നിവയുമായി സഹകരിച്ച് ക്യാഷ്ബാക്ക് ഓഫർ പ്രഖ്യാപിച്ചിരുന്നു.

malayalam.goodreturns.in