സ്വ‍‍ർണ വിലയിൽ നേരിയ മുന്നേറ്റം

സ്വർണ വിലയിൽ നേരിയ മുന്നേറ്റം. പവന് 80 രൂപ കൂടി 21,920 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്. ഇന്നലെ പവന് 120 രൂപ കുറഞ്ഞ് 21,840 രൂപയായിരുന്നു ഒരു പവന്റെ വില.

നാല് മാസത്തെ ഏറ്റവും കുറഞ്ഞ നിരക്കിലാണ് ഇന്നലെ സംസ്ഥാനത്ത് സ്വര്‍ണ വ്യാപാരം നടന്നത്. ഈ മാസം പകുതി മുതല്‍ സ്വര്‍ണ്ണവില കുറയുകയായിരുന്നു. ഇതിന് മുമ്പ് കഴിഞ്ഞ ഓഗസ്റ്റ് മാസത്തിലാണ് വില ഇത്രയും കുറഞ്ഞത്.

ആഗോള വിപണിയിലെ വിലക്കുറവ് തന്നെയാണ് ആഭ്യന്തര മാര്‍ക്കറ്റിലും വില കുറയാന്‍ ഇടയാക്കിയിരുന്നത്. രാജ്യത്ത് സ്വര്‍ണ ഇറക്കുമതി 2017-18 സാമ്പത്തിക വര്‍ഷം ആദ്യപാതിയില്‍ ഇരട്ടിയിലേറെയായി വര്‍ധിച്ചതായാണ് വാണിജ്യ മന്ത്രാലയത്തിന്റെ റിപ്പോര്‍ട്ട്.

എന്നാൽ ഗ്രാമ പ്രദേശങ്ങളില്‍ സ്വര്‍ണ വിപണി അതീവ മന്ദതയിലാണെന്നായിരുന്നു വേള്‍ഡ് ഗോള്‍ഡ് കൗണ്‍സിലിന്റെ കണ്ടെത്തൽ. എന്നാൽ സ്വ‍ർണ വില കുറയുന്നതോടെ സംസ്ഥാനത്തെ സ്വര്‍ണ്ണക്കടകളിൽ ഇപ്പോൾ നല്ല തിരക്കുണ്ട്.

malayalam.goodreturns.in