ഏറ്റവും പുതിയ അഞ്ച് പ്രീപെയ്ഡ് പ്ലാനുകളുമായി വൊഡാഫോൺ രംഗത്ത്. ഡാറ്റ, ഷോർട്ട് മെസ്സേജിംഗ് സേവനങ്ങൾ, അൺലിമിറ്റഡ് ലോക്കൽ, എസ്ടിഡി, നാഷണൽ റോമിംഗ് കോളുകൾ എന്നിവയാണ് ഓഫറിലൂടെ ഉപഭോക്താക്കൾക്ക് ലഭിക്കുക.
പുതിയ പദ്ധതി പ്രകാരം 509 രൂപയുടെ പ്ലാൻ റീച്ചാർജ് ചെയ്യുന്നവർക്ക് പ്രതിദിനം ഒരു ജിബി ഡാറ്റയും 100 സൗജന്യ എസ്എംഎസും അൺലിമിറ്റഡ് ലോക്കൽ, എസ്ടിഡി, ദേശീയ റോമിംഗ് കോളും ലഭിക്കും. 84 ദിവസമാണ് ഈ പ്ലാനിന്റെ കാലാവധി.
458 രൂപയുടെ പ്ലാനുകൾക്ക് 70 ദിവസത്തെ വാലിഡിറ്റിയാണുള്ളത്. 347 രൂപയ്ക്ക് റീചാർജ് ചെയ്യുന്നവർക്ക് പ്രതിദിനം 1.5 ജിബി ഡാറ്റ 28 ദിവസം കാലാവധിയിൽ ലഭിക്കും.
199 രൂപയ്ക്ക് 28 ദിവസത്തെ കാലാവധിയും 79 രൂപയ്ക്ക് ഏഴ് ദിവസത്തെ കാലാവധിയുമുള്ള ഓഫറുകൾ ചെയ്യാം. കമ്പനിയുടെ സ്റ്റോറുകളിലൂടെയും മൈ വൊഡാഫോൺ മൊബൈൽ ആപ്ലിക്കേഷനിലൂടെയുെ ഉപയോക്താക്കൾക്ക് ഈ അവസരം പ്രയോജനപ്പെടുത്താം.
malayalam.goodreturns.in