സോഷ്യൽ നെറ്റ്‍വർക്കിംഗ് ഭീമനായ ഫേസ്ബുക്കിൽ ജോലി കിട്ടിയാൽ നിങ്ങൾ ഭാ​ഗ്യവാന്മാരാണ്. കാരണം ജോലി ചെയ്യാൻ ഏറ്റവും മികച്ച സ്ഥാപനമായി ഫേസ്ബുക്കിനെ വീണ്ടും തിരഞ്ഞെടുത്തു. ജോലി സംബന്ധമായ സൈറ്റായ ​ഗ്ലാസ്ഡോ‍ർ നടത്തിയ സർവ്വേയിലാണ് ഫെയ്സ്ബുക്ക് വീണ്ടും തിരഞ്ഞെടുക്കപ്പെട്ടത്.

ഇത് മൂന്നാം വർഷമാണ് ​ഗ്ലാസ്ഡോർ നടത്തുന്ന മികച്ച 100 കമ്പനികളെ കണ്ടെത്തുന്നതിനുള്ള സർവ്വേയിൽ ഫെയ്സ്ബുക്ക് ഒന്നാമതെത്തുന്നത്. 40 പുതിയ കമ്പനികളും ഇത്തവണ ലിസ്റ്റിൽ ഉൾപ്പെട്ടിട്ടുണ്ട്.

പട്ടികയിൽ രണ്ടാം സ്ഥാനം ബെയ്ൻ ആൻഡ് കമ്പനിക്കാണ്. മൂന്നാം സ്ഥാനം ബോസ്റ്റൺ കൺസട്ടിം​ഗ് ​ഗ്രൂപ്പിനും നാലാം സ്ഥാനം ഇൻ ആൻ ഔട്ട് ബർ​ഗറിനുമാണ്.

പട്ടികയിൽ അഞ്ചാം സ്ഥാനമാണ് ​ഗൂ​ഗിളിന്. എന്നാൽ ആപ്പിൾ ആദ്യത്തെ 20 കമ്പനികളുടെ ലിസ്റ്റിൽ പോലുമില്ല. 84-ാം സ്ഥാനം മാത്രമാണ് ആപ്പിളിനുള്ളത്. ലുലുലെമൺ, ഹബ്സ്പോട്ട്, വേൾഡ് വൈഡ് ടെക്നോളജി, സെന്റ് ജൂഡ് ചിൽഡ്രൻസ് റിസർച്ച് ഹോസ്പിറ്റൽ, അൾട്ടിമേറ്റ് സോഫ്റ്റ്‍വെയർ എന്നിവ ആദ്യ പത്ത് മികച്ച കമ്പനികളിൽ ഉൾപ്പെട്ടവയാണ്.

malayalam.goodreturns.in