ആധാറും പാനും ബന്ധിപ്പിക്കേണ്ട അവസാന തീയതി നീട്ടാൻ സാധ്യത. നിലവില്‍ ഡിസംബര്‍ 31 ആണ് ഇവ തമ്മില്‍ ബന്ധിപ്പിക്കേണ്ട അവസാന തീയതി. എന്നാൽ ഇത് മൂന്നു മുതല്‍ ആറു മാസം വരെ നീട്ടിയേക്കുമെന്നാണ് സൂചന.

ആധാറും പാന്‍ കാര്‍ഡും തമ്മില്‍ ബന്ധിപ്പിക്കാനുള്ള തീയതി 2018 മാര്‍ച്ച് 31 വരെ നീട്ടാന്‍ തയ്യാറാണെന്ന് സര്‍ക്കാര്‍ നേരത്തെ തന്നെ സുപ്രീം കോടതിയെ അറിയിച്ചിരുന്നു. നവംബര്‍ വരെ രാജ്യത്തെ 33 കോടി പാന്‍ കാര്‍ഡുകളില്‍ 13.28 കോടി എണ്ണം മാത്രമാണ് ആധാറുമായി ബന്ധിപ്പിച്ചിട്ടുള്ളത്.

നിലവിൽ പാൻ കാർഡ്, ബാങ്ക് അക്കൗണ്ട്, മ്യൂച്വൽ ഫണ്ടുകൾ, ഇൻഷുറൻസ് പോളിസികൾ, പബ്ലിക് പ്രൊവിഡന്റ് ഫണ്ട്, ദേശീയ സമ്പാദ്യ പദ്ധതി, പോസ്റ്റ് ഓഫീസ് സേവിം​ഗ്സ് സ്കീം, കിസാൻ വികാസ് പത്ര എന്നിവയുമായി ആധാർ ബന്ധിപ്പിക്കേണ്ട അവസാന തീയതി ഡിസംബർ 31 ആണ്.

എന്നാൽ മൊബൈൽ സിമ്മുമായി ആധാർ ബന്ധിപ്പിക്കേണ്ട അവസാന തീയതി ഫെബ്രുവരി ആറിനാണ്.

malayalam.goodreturns.in