കാ‍ർ വാങ്ങുന്നവർക്ക് സന്തോഷ വാ‍ർത്ത. ഡിസംബറിൽ കാറുകൾക്ക് വമ്പിച്ച വിലക്കുറവുമായി കമ്പനികൾ രം​ഗത്ത്. ഡിസ്കൗണ്ടുകളും എക്സ്ചേഞ്ച് ഓഫറുകളുമാണ് വിവിധ കമ്പനികൾ വാ​ഗ്ദാനം ചെയ്യുന്നത്.

ഇതുവഴി ഉപഭോക്താക്കൾക്ക് 25,000 രൂപ മുതൽ 8.85 ലക്ഷം രൂപ വരെ ലാഭിക്കാം. മാരുതി സുസുക്കി, ടാറ്റാ മോട്ടോഴ്സ്, ഹുണ്ടായ്, ഫോക്സ് വാഗൻ, ഓഡി തുടങ്ങിയ കമ്പനികളാണ് നിലവിൽ ഓഫറുകൾ പ്രഖ്യാപിച്ചിരിക്കുന്നത്.

മാരുതി മിക്ക കാറുകൾക്കും ഓഫർ നൽകുന്നുണ്ട്. ആൾട്ടോ, വാഗൺ ആർ, സെലേറിയോ, സ്വിഫ്റ്റ്, പ്രീമിയം ഹാച്ച്ബാക്ക് ഇഗ്നിസ്, സെഡാൻ സിയാസ്, എർറ്റിഗ എന്നിവയ്ക്കാണ് മികച്ച ഓഫറുകൾ ലഭിക്കുക.

45,000 മുതൽ 55,000 രൂപ വരെയുള്ള ഇളവുകൾ മാരുതി വാ​ഗ്ദാനം ചെയ്യുന്നുണ്ട്. ഇയോൺ, ഐ 10, ഐ 20, എലാന്റ്, എക്സ്സെൻറ് തുടങ്ങിയ കാറുകൾക്കാണ് ഹ്യൂണ്ടായ് ഡിസ്കൗണ്ട് നൽകുന്നത്. ഇയോണിന് 55,000 രൂപ വരെയാണ് ഇളവ്.

malayalam.goodreturns.in