ആധാറും പാനും തമ്മിൽ ബന്ധിപ്പിക്കുന്നതിനുള്ള അവസാന തീയതി സർക്കാർ നീട്ടി. 2018 മാർച്ച് 31 ആണ് ആധാറും പാനുമായി ബന്ധിപ്പിക്കുന്നതിനുള്ള അവസാന തീയതി.

ഇത് മൂന്നാം തവണയാണ് ആധാർ പാൻ കാർഡുമായി ബന്ധിപ്പിക്കുന്നതിനുള്ള തീയതിയിൽ മാറ്റം വരുത്തത്. ജൂലായ് 31 നകം ആധാറുമായി പാൻ ബന്ധിപ്പിക്കണമെന്നായിരുന്നു ആദ്യ നിർദ്ദേശം. പിന്നീട് ഇത് ഡിസംബർ 31 വരെ നീട്ടി. അതിന് ശേഷമാണ് ഇപ്പോൾ തീയതി നീട്ടിയിരിക്കുന്നത്.

എന്നിട്ടും ഇവ തമ്മിൽ ബന്ധിപ്പിക്കാത്ത നിരവധിയാളുകളുണ്ട്. നവംബർ വരെയുള്ള കണക്കനുസരിച്ച് 33 കോടി പാൻ കാർഡുകളിൽ 13.28 കോടി എണ്ണം മാത്രമാണ് ആധാറുമായി ബന്ധിപ്പിച്ചിട്ടുള്ളൂ. അതിനാലാണ് തീയതി വീണ്ടും നീട്ടുന്നതെന്ന് ധനമന്ത്രാലയം വ്യക്തമാക്കി.

2018 മുതൽ ആദായനികുതി റിട്ടേൺ (ഐടിആർ) ഫയൽ ചെയ്യുന്നതിനും പുതിയ പാൻ കാർഡ് എടുക്കുന്നതിനും ആധാർ കാർഡ് നിർബന്ധമാണ്. കള്ളപ്പണം വെളുപ്പിക്കൽ തടയുന്നതിന് വേണ്ടിയാണ് ബാങ്ക് അക്കൌണ്ട്, പാൻ കാർഡുമായി ബന്ധിപ്പിക്കുന്നത് ഗവൺമെന്റ് നിർബന്ധിതമാക്കിയിരിയ്ക്കുന്നത്.

malayalam.goodreturns.in