ഇന്ത്യയിലെ ഏറ്റവും മികച്ച ടെലികോം കമ്പനിയായ ഐഡിയ സെല്ലുലാര്‍ പുതിയ ഓഫറുമായി രംഗത്ത്. 198 രൂപയുടെ പ്ലാൻ പുതുക്കിയാണ് ഇത്തവണ ഐഡിയ എത്തിയിരിക്കുന്നത്. പുതുക്കിയ പ്ലാന്‍ വഴി പ്രീപെയ്ഡ് ഉപഭോക്താക്കള്‍ക്ക് കൂടുതല്‍ ഡാറ്റ ലഭ്യമാകും.

എന്നാൽ ഗുജറാത്ത്, മധ്യപ്രദേശ്, ചത്തീസ്ഗഡ് എന്നിവിടങ്ങളിൽ മാത്രമാണ് പുതിയ ഓഫര്‍ ഐഡിയ അവതരിപ്പിച്ചിരിക്കുന്നത്. 198 രൂപയ്ക്ക് ഉപഭോക്താക്കള്‍ക്ക് 1.5ജിബി 4ജി ഡാറ്റയാണ് ലഭിക്കുക.

കമ്പനിയുടെ വെബ്‌സൈറ്റ് വഴിയോ മൈ ഐഡിയ ആപ്പ് വഴിയോ ആണ് റീച്ചാര്‍ജ്ജ് ചെയ്യുന്നതെങ്കിൽ 1ജിബി ഡാറ്റ അധികമാകും ലഭിക്കും. ഇതോടെ ആകെ 2.5 ജിബി ഡാറ്റയാകും ഉപഭോക്താക്കൾക്ക് ലഭിക്കുക.

പ്രതിദിനം അണ്‍ലിമിറ്റഡ് ഫ്രീ ലോക്കല്‍, എസ്ടിഡി കോളുകളും 100 എസ്എംഎസും ഉപഭോക്താക്കൾക്ക് ലഭിക്കും. പ്രതിദിനം 250 മിനിറ്റും പ്രതി വാരം 1000 മിനിറ്റുമാണ് ഫ്രീ കോള്‍. 28 ദിവസമാണ് ഈ പ്ലാനിന്റെ കാലാവധി.

malayalam.goodreturns.in