ഡൽഹിയിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജിയിൽ (ഐഐടി ) നടന്ന പ്ളേസ്മെന്റിൽ ഇതുവരെ 500 ഓളം ഉദ്യോഗാർത്ഥികൾ നിയമിതരായതായി റിപ്പോർട്ട്. 25 അന്താരാഷ്ട്ര കമ്പനികളാണ് ഇവരെ തെരഞ്ഞെടുത്തത്.

സിംഗപ്പൂർ, ഹോങ്കോംഗ്, യുണൈറ്റഡ് സ്റ്റേറ്റ്സ്, ഹോളണ്ട്, ജപ്പാൻ എന്നിവിടങ്ങളിൽ നിന്നുള്ള കമ്പനികളാണ് പ്ലേസ്‌മെറ്റിനായി എത്തിയത്. ഇതിൽ സോഫ്റ്റ് വെയർ ഭീമന്മാരായ മൈക്രോസോഫ്റ്റ് ആറ് പേരെയാണ് നിയമിച്ചത്. ഡിസംബർ ഒന്നിനാരംഭിച്ച പ്ലേസ്‌മെന്റിൽ ആദ്യം ദിവസം തന്നെ 200 പേരെ തെരഞ്ഞെടുത്തു.

ഇന്റൽ കമ്പനിയാണ് ഏറ്റവും കൂടുതൽ ആളുകളെ എടുത്തത്. 30 പേർക്കാണ് ഇന്റലിൽ ജോലി ലഭിച്ചത്. 150 പ്രീ-പ്ലേസ്മെന്റ് ഓഫറുകളാണ് ആകെ ഉണ്ടായിരുന്നത്.

പ്ലേസ്മെന്റുകളുടെ ആദ്യ ഘട്ടം ഡിസംബർ 15 വരെ തുടരും. രണ്ടാം ഘട്ടം അടുത്ത വർഷം ജനുവരി മുതൽ ആരംഭിക്കുമെന്നും അധികൃതർ പറഞ്ഞു.

malayalam.goodreturns.in