ബംഗളൂരുവിൽ നിന്ന് ഹൂബ്ലിയിലേക്കുള്ള എയർ ഇന്ത്യ സർവീസ് ഡിസംബർ 12ന് ആരംഭിക്കും. ഫ്ലൈറ്റ് മുംബൈയുമായും ബന്ധിപ്പിച്ചിട്ടുണ്ട്. എയർബസ് എ 319 ആകും പുതിയ സർവീസ് നടത്തുക.

ബംഗളൂരു-ഹുബ്ലി-മുംബൈ, മുംബൈ-ഹുബ്ലി-ബംഗളൂരു സെക്ടറുകളിലേയ്ക്ക് ആഴ്ചയിൽ മൂന്നു തവണ സർവീസ് നടത്തും. ചൊവ്വ, ബുധൻ, ശനി ദിവസങ്ങളിലാകും സർവ്വീസ്.

ബംഗളൂരുവിൽ നിന്ന് 12 മണിക്ക് പുറപ്പെടുന്ന ഫ്ലൈറ്റ് 12.50ന് ഹൂബ്ലിയിലെത്തും. ഹൂബ്ലിയിൽ നിന്ന് 1.25 ന് പുറപ്പെട്ട് 2.30ന് മുംബൈയിൽ എത്തിച്ചേരും. തിരിച്ച് മുംബൈയിൽ നിന്ന് 3.25ന് പുറപ്പെടുന്ന ഫ്ലൈറ്റ് 4.35ന് ഹ്ലൂബ്ലിയിലെത്തി 6.10ന് അവിടെ നിന്ന് പുറപ്പെടും. 7 മണിക്ക് ബംഗളൂരിവിൽ തിരിച്ചെത്തും.

പുതിയ വിമാനം ടൂറിസത്തിന് കൂടുതൽ പ്രചാരം നൽകുകയും ഇന്ത്യയുടെ രണ്ടാമത്തെ വലിയ നഗരത്തിൽ നിന്ന് വാണിജ്യ സിരാ കേന്ദ്രമായ മുംബൈയിലേയ്ക്കുള്ള യാത്ര എളുപ്പമാക്കുകയും ചെയ്യുന്നു.

malayalam.goodreturns.in