ഐഐടി പ്ലേസ്മെന്റിൽ ഇത്തവണ 30 ശതമാനം വർദ്ധനവ്. പ്ലേസ്മെന്റ് ആരംഭിച്ച് ആദ്യ ആഴ്ച്ചയിൽ തന്നെ 50-60 ശതമാനം വിദ്യാർത്ഥികൾക്കാണ് ജോലി ലഭിച്ചത്. കഴിഞ്ഞ വർഷത്തെ ഇതേ കാലയളവിലേതിനേക്കാൾ 30 ശതമാനമാണ് ഇത്തവണത്തെ വർദ്ധനവ്.

കഴിഞ്ഞ വർഷം ഐഐടി നിയമനം വളരെ കുറവായിരുന്നു. പ്ലേസ്മെന്റുകൾ 66 ശതമാനമായി കുറഞ്ഞിരുന്നു. എന്നാൽ ഇത്തവണ ആ കുറവ് പരിഹരിച്ചുവെന്ന് അധികൃതർ പറയുന്നു.

ഐഐടി കാര​ഗ്പൂ‍റിലെ വിദ്യാർത്ഥികളാണ് ജോലി കിട്ടിയവരിൽ അധികവും. 900ഓളം ഓഫറുകളാണ് ആദ്യ ആഴ്ച്ചയിൽ തന്നെ ഇവർ നേടിയത്. ഐഐടി മദ്രാസും റൂർക്കിയും തൊട്ടു പിന്നിൽ തന്നെയുണ്ട്. 650 മുതൽ 700 ഓളം ഓഫറുകൾ മദ്രാസ്, റൂർക്കി ഐഐടികളിലെ വിദ്യാർത്ഥികളും നേടി.

ഐഐടി ബനാറസ് ഹിന്ദു യൂണിവേഴ്സിറ്റിയിലെ (ബിഎച്ച്‍യു) 1,055 വിദ്യാർത്ഥികളിൽ 527 പേരും നിയമിതരായി. 50 ശതമാനത്തിലധികം വിദ്യാർത്ഥികളാണ് ഇവിടെ നിയമിതരായത്.

malayalam.goodreturns.in