മൊബൈൽ ആപ് അധിഷ്ഠിത ടാക്സി സേവന രംഗത്തെ പ്രമുഖ ഇന്ത്യൻ കമ്പനിയായ ഒലയുടെ പേയ്മെൻറ് ബിസിനസായ ഒല മണിയുടെ സിഇഒ ആയി പേയ് യു ഇന്ത്യ കോഫൗണ്ടറായ നിതിൻ ഗുപ്തയെ തിരഞ്ഞെടുത്തു.
2015 നവംബറിലാണ് ഒല മണി സേവനം ആരംഭിക്കുന്നത്. ഉപഭോക്താക്കൾക്ക് ഓൺലൈനായി പണമിടപാട് നടത്താനുള്ള സൗകര്യമാണ് ഇതുവഴി ലഭിച്ചത്. ക്യാബ് ബുക്കിംഗിന് മാത്രമല്ല ലെൻസ്കാർട്ട്, ബുക്ക്മൈഷോ, ഒയോ റൂംസ് തുടങ്ങിയ നിരവധി ബ്രാൻഡുകളിലും ഒല മണിയുടെ സേവനം ഉപയോഗപ്പെടുത്താം.
2015ൽ പേയ്മെൻറ് ബിസിനസ്സിന്റെ ചുമതല ഏറ്റെടുക്കാൻ റസൂൽ ഗോയലിനെയാണ് ഒല നിയമിച്ചത്. എന്നാൽ 2016 രണ്ടാം പകുതിയിൽ ഗോയൽ രാജി വച്ചു. എന്നാൽ അതിന് ശേഷമുള്ള ഒലയുടെ നിർണായക നിയമനമാണ് നിധിൻ ഗുപ്തയുടേത്.
2018-19 കാലയളവിൽ മികച്ച ലാഭമുണ്ടാക്കുകയാണ് കമ്പനിയുടെ ലക്ഷ്യം. ഒക്ടോബറിൽ 1.1 ബില്യണിനോടടുത്തായിരുന്നു ഒലയുടെ ലാഭം. കൂടാതെ ഇലക്ട്രിക്കൽ വാഹനങ്ങൾ പുറത്തിറക്കുന്നതിലും കമ്പനി ശ്രദ്ധ കേന്ദ്രീകരിക്കുന്നുണ്ട്.
malayalam.goodreturns.in