പെട്രോളില്‍ 15 ശതമാനം മെഥനോള്‍ ചേര്‍ക്കാന്‍ പുതിയ പദ്ധതിയുമായി കേന്ദ്ര സർക്കാർ. രാജ്യത്തെ മലിനീകരണം തടയുന്നതിനൊപ്പം പെട്രോൾ വിലയും കുറയ്ക്കാനാകുമെന്ന് കേന്ദ്ര ഗതാഗതമന്ത്രി നിതിന്‍ ഗഡ്കരി പറഞ്ഞു.

വരുന്ന പാര്‍ലമെന്റ് സമ്മേളനത്തില്‍ പദ്ധതി പ്രഖ്യാപിക്കുമെന്നും അദ്ദേഹം വ്യക്തമാക്കി. മെഥനോള്‍ ചേര്‍ത്തുള്ള പെട്രോള്‍ ഉപയോഗിക്കുന്ന ചൈനയില്‍ പെട്രോളിന്റെ വില 17 രൂപ മാത്രമാണ്. എന്നാൽ ഇന്ത്യയില്‍ വില 22 രൂപയായിരിക്കുമെന്നും അദ്ദേഹം വ്യക്തമാക്കി.

പ്രമുഖ സ്വീഡിഷ് വാഹന നിർമ്മാണ കമ്പനിയായ വോള്‍വോ മെഥനോള്‍ ചേര്‍ത്തുള്ള പെട്രോള്‍ ഉപയോഗിക്കുന്ന പ്രത്യേക എന്‍ജിന്‍ അവതരിപ്പിച്ചതായും ഇതുപയോഗിച്ച്‌ 25 ബസുകള്‍ ഓടിക്കാന്‍ തയ്യാറെടുക്കുകയാണെന്നും മന്ത്രി അറിയിച്ചു.

'എഴുപതിനായിരം കോടി രൂപയോളം ചെലവുവരുന്ന പെട്രോള്‍ റിഫൈനറികള്‍ നിര്‍മിക്കുന്നതിനുപകരം ഇക്കാര്യം ആലോചിക്കാന്‍ പെട്രോളിയം മന്ത്രാലയത്തോട് ശുപാര്‍ശ ചെയ്തിട്ടുണ്ട്. മെഥനോളിന് ആകെ വേണ്ട നിക്ഷേപം ഒന്നര ലക്ഷം കോടി മാത്രമാണ്.

malayalam.goodreturns.in