സീനിയര് ഐഎഎസ് ഓഫീസര് പ്രദീപ് സിംഗ് ഖരോള എയര് ഇന്ത്യയുടെ ചെയര്മാനും മാനേജിംഗ് ഡയറക്ടറുമായി ചുമതലയേറ്റു. കർണാടക കേഡറിലെ ഐഎഎസ് ഓഫീസറായ ഖരോള, രാജീവ് ബൻസാലിന് പകരമാണ് എയർ ഇന്ത്യ തലവനാകുന്നത്.
കഴിഞ്ഞ മൂന്നുമാസമായി എയർ ഇന്ത്യയുടെ ഇടക്കാല സിഎംഡിയായി സേവനം അനുഷ്ടിക്കുകയായിരുന്നു രാജീവ് ബൻസാൽ. എയർ ഇന്ത്യ അദ്ധ്യക്ഷ സ്ഥാനം വഹിച്ചിരുന്ന അഷ്വാനി ലൊഹാനി റെയിൽവേ ബോർഡ് ചെയർമാനായി നിയമിക്കപ്പെട്ട ഒഴിവിലേക്കായിരുന്നു ബൻസാലിന്റെ നിയമനം.
ബംഗളൂരു മെട്രോ റെയില് കോര്പറേഷന് ലിമിറ്റഡിന്റെ മാനേജിംഗ് ഡയറക്ടറായിരുന്ന ഖരോല കര്ണാടക കേഡറില്നിന്നുള്ള ഐഎഎസ് ഓഫീസറാണ്. എയര് ഇന്ത്യയുടെ ഓഹരി വിറ്റഴിക്കലുമായി ബന്ധപ്പെട്ടു സര്ക്കാര് അന്തിമരൂപം തയാറാക്കുന്ന സമയത്താണ് പുതിയ സിഎംഡിയായി ഖരോല ചുമതലയേല്ക്കുന്നത്.
കേന്ദ്രസര്ക്കാരിന്റെ കീഴിലുള്ള എയര് ഇന്ത്യയ്ക്ക് നിലവില് 50,000 കോടി രൂപയിലധികം കടമുണ്ട്.
malayalam.goodreturns.in