സംസ്ഥാനത്ത് സ്വര്‍ണ്ണ വിലയില്‍ വന്‍ ഇടിവ്. ഇന്ന് മാത്രം പവന് 160 രൂപയാണ് കുറഞ്ഞത്. ഇതോടെ ഡിസംബര്‍ പകുതി ആകുന്നതിന് മുന്‍പേ അഞ്ചാം തവണയാണ് വില കുറയുന്നത്. പവന് ഈ മാസം മാത്രം ഇതുവരെ കുറഞ്ഞത് 680 രൂപയോളമാണ്.

പവന് 21,240 രൂപയും ഗ്രാമിന് 2,655 രൂപയുമാണ് ഇന്നത്തെ വില. കഴിഞ്ഞ നാല് മാസത്തെ ഏറ്റവും കുറഞ്ഞ വിലയ്‌ക്കാണ് ഇന്നും സ്വര്‍ണ വ്യാപാരം നടക്കുന്നത്.

കഴിഞ്ഞ ഓഗസ്റ്റ് മാസത്തിലാണ് ഇതിന് മുന്‍പ് ഇത്രയും വില കുറഞ്ഞത്. അന്നത്തെ വില 21120 രൂപയായിരുന്നു. ഈ മാസത്തെ ഏറ്റവും ഉയർന്ന വില 21,920 രൂപയാണ്.

ആഗോള വിപണിയിലെ വിലക്കുറവാണ് ആഭ്യന്തരവിപണയിലും പ്രതിഫലിച്ചിരിക്കുന്നത്. സ്വർണ വിലയിലെ ഇടിവ് ഏറ്റവും അധികം ഉപകരിക്കുന്നത് അടുത്ത വര്‍ഷം ജനുവരി, ഫെബ്രുവരി മാസങ്ങളില്‍ നടക്കുന്ന വിവാഹ പാര്‍ട്ടികള്‍ക്കാണ്.

malayalam.goodreturns.in