റിലയൻസ് ജിയോ 2018ൽ നിരക്കുകകൾ കുത്തനെ ഉയർത്താൻ സാധ്യത. സൗജന്യ ഇന്റർനെറ്റ് വാ​ഗ്ദാനം ചെയ്ത് രം​ഗത്തെത്തിയ ജിയോ പിന്നീട് കുറഞ്ഞ നിരക്കിൽ 4ജി ഇന്റ‍ർനെറ്റ് സേവനം ജനങ്ങളിലെത്തിച്ചിരുന്നു. എന്നാൽ പുതുവർഷത്തിൽ നിരക്കുകൾ കുത്തനെ ഉയ‍ർത്താനാണ് ജിയോയുടെ പദ്ധതിയെന്നാണ് വിവരം.

ഈ സാമ്പത്തിക വര്‍ഷത്തിന്റെ രണ്ടാം പാദത്തില്‍ ജിയോ 270 കോടിയുടെ നഷ്ടം നേരിട്ടിരുന്നു. ഈ പശ്ചാത്തലത്തിലാകാം ജിയോ പ്ലാനുകളിൽ മാറ്റം വരുത്തുന്നത്.

റിലയൻസ് ജിയോ ഡിജിറ്റൽ സർവ്വീസസ് ആരംഭിച്ചിട്ട് ഒരു വർഷം കഴിഞ്ഞു. ഈ ഒരു വർഷത്തിനിടയിൽ ഇന്ത്യൻ ടെലികോം രംഗത്ത് വിപ്ലവകരമായ മാറ്റങ്ങളാണുണ്ടായത്. ജിയോയ്ക്ക് മുന്നിൽ പിടിച്ചു നിൽക്കാൻ പല കമ്പനികളും ലയനം നടത്താൻ വരെ തയ്യാറായി.

കഴിഞ്ഞ സെപ്റ്റംബർ 5 നാണ് ജിയോ ഔദ്യോഗികമായി തുടങ്ങിയത്. കേവലം 83 ദിവസത്തിനിടെ അഞ്ചു കോടി വരിക്കാരെയും ജിയോ സ്വന്തമാക്കിയിരുന്നു. ഇപ്പോൾ ജിയോയ്ക്ക് 125 മില്യണിലധികം ഉപഭോക്താക്കളുണ്ട്.

malayalam.goodreturns.in