റിയൽ എസ്​റ്റേറ്റ്​ കമ്പനിയായ യുണീടെക്​ സർക്കാർ ഏറ്റെടുക്കണമെന്ന കമ്പനി നിയമ ട്രിബ്യൂണലി​ന്റെ ഉത്തരവ്​​ സുപ്രീംകോടതി സ്​റ്റേ ചെയ്​തു. ചീഫ്​ ജസ്​റ്റിസ്​ ദീപക്​ മിശ്ര അധ്യക്ഷനായ ബെഞ്ചാണ്​ ഡിസംബർ എട്ടിലെ ട്രിബ്യൂണലിന്റെ ഉത്തരവ്​ സ്​റ്റേ ചെയ്​തത്​.

സുപ്രീംകോടതിയുടെ പരിഗണനയിലിരിക്കുന്ന കേസിൽ ഉത്തരവ്​ പുറപ്പെടുവിക്കാൻ കമ്പനി നിയമ ട്രിബ്യൂണലിന്​ അധികാര​മില്ലെന്ന്​ ചൂണ്ടിക്കാട്ടിയാണ്​ നടപടി.

ഡിസംബർ എട്ടിനാണ്​ യുണിടെക്കിന്റെ എട്ട്​ ഡയറക്​ടർമാരെ ട്രിബ്യൂണൽ അയോഗ്യരാക്കിയത്​. ഫണ്ടുകളിലെ ക്രമക്കേടുകൾ, ദുർഭരണം എന്നിവയെല്ലാം പരിഗണിച്ചായിരുന്നു നടപടി.

അതിന് ശേഷം യൂണിടെക്കിന്റെ ഓഹരികൾ 5 ശതമാനം നഷ്ടത്തിലായിരുന്നു. കമ്പനിയിൽ 10 സ്വത​​ന്ത്ര ഡയറക്​ടർമാരെ നിയമിക്കാൻ കേന്ദ്രസർക്കാറിനും ട്രിബ്യൂണൽ അനുമതി നൽകിയിരുന്നു. ഇതിനെതിരെ കമ്പനി സമർപ്പിച്ച ഹരജിയിലാണ്​ സുപ്രീംകോടതിയുടെ പുതിയ ഉത്തരവ്​.

malayalam.goodreturns.in