രാജധാനി, ശതാബ്ദി, തുരന്തോ തുടങ്ങിയോ ട്രെയിനുകളിൽ ഓഫ് സീസണിൽ ടിക്കറ്റ് നിരക്ക് കുറയ്ക്കുമെന്ന് റെയിൽവേ മന്ത്രി പിയൂഷ് ഗോയൽ. 2016 മുതൽ ഈ ട്രെയിനുകളിൽ ഫ്ളെക്സി ഫെയർ സംവിധാനം ഏർപ്പെടുത്തിയിരുന്നു.

ഓഫ് സീസണിൽ ട്രെയിനുകളിൽ ധാരാളം സീറ്റ് ഒഴിവുണ്ടാകും. ഈ സമയം കൺസഷൻ ടിക്കറ്റ് നൽകാനാണ് സർക്കാരിന്റെ പദ്ധതി.

എന്നാൽ ഇത് നിരക്കുകൾ ഉയർത്താൻ മാത്രമേ സഹായിച്ചിട്ടുള്ളൂ. അതുകൊണ്ട് തന്നെ ഫ്ലെക്സി സംവിധാനം പുനരവലോകനം നടത്തുകയാണെന്നും ഗോയൽ പറഞ്ഞു. പ്രധാന ട്രെയിനുകളുടെ സമയത്തിൽ മാറ്റം വരുത്താനും പദ്ധതിയുണ്ടെന്ന് ഗോയൽ പറഞ്ഞു. ഉദ്യോഗസ്ഥരുടെ ജോലി സമയവും മറ്റും പരിഗണിച്ചാകും സമയ മാറ്റം.

ഓൺലൈൻ റെയിൽവേ ടിക്കറ്റ് ബുക്കിംഗിനുള്ള ഐആർസിടിസി അക്കൗണ്ട് ആധാറുമായി ബന്ധിപ്പിച്ചവർക്ക് മാസത്തിൽ 12 ട്രെയിൻ ടിക്കറ്റുകൾ എടുക്കാമെന്നും അടുത്തിടെ വാർത്തകൾ വന്നിരുന്നു. ആധാർ ലിങ്ക് ചെയ്യാത്തവർക്കു പ്രതിമാസം പരമാവധി ആറു ടിക്കറ്റേ എടുക്കാൻ കഴിയൂ.

malayalam.goodreturns.in