ആഭ്യന്തര ഉത്പാദനം വർദ്ധിപ്പിക്കുന്നതിന് ടെലിവിഷൻ, മൊബൈൽ ഫോൺ, പ്രൊജക്ടർ, വാട്ടർ ഹീറ്റർ തുടങ്ങിയ ഇലക്ട്രോണിക് ഉപകരണങ്ങളുടെ കസ്റ്റംസ് തീരുവ ധന മന്ത്രാലയം ഉയർത്തി. സർക്കാർ പ്രഖ്യാപനമനുസരിച്ച് ടെലിവിഷന്റെ കസ്റ്റംസ് തീരുവ 15 ശതമാനമായി ഉയർത്തി.

നിലവിൽ 10 ശതമാനമാണ് കസ്റ്റംസ് തീരുവ. കൂടാതെ മോണിറ്ററുകളുടെയും പ്രൊജക്ടറുകളുടെയും കസ്റ്റംസ് തീരുവ 20 ശതമാനമായും ഉയ‍ർത്തിയിട്ടുണ്ട്.

പുഷ് ബട്ടൺ ടെലിഫോണുകളുടെയും മൊബൈലിന്റെയും തീരുവ 15 ശതമാനം വരെയാണ് ഉയർത്തിയിരിക്കുന്നത്. ജൂലായ് ഒന്ന് മുതലാണ് മൊബൈൽ ഫോണുകളിൽ കസ്റ്റംസ് തീരുവ ആദ്യമായി ഏർപ്പെടുത്തിയത്. വാട്ടർ ഹീറ്റർ, ഹെയർ ഡ്രസിംഗ് ഉപകരണങ്ങൾ എന്നിവയ്ക്ക് 20 ശതമാനമായി തീരുവ.

ഇലക്ട്രിക് ഫിലിം, ഡിസ്ചാർജ് ലാമ്പുകൾ തുടങ്ങിയ ഉപകരണങ്ങളുടെയും കസ്റ്റംസ് തീരുവകൾ പുതുക്കിയിട്ടുണ്ട്. ഇന്ത്യൻ വ്യവസായത്തെ പ്രോത്സാഹിപ്പിക്കുന്നതിന്റെ ഭാ​ഗമായാണ് സർക്കാർ കസ്റ്റംസ് തീരുവ ഉയർത്തിയത്.

malayalam.goodreturns.in