സംസ്ഥാനത്ത് കുരുമുളക് വില കുതിക്കുന്നു. ഇറക്കുമതി ചെയ്യുന്ന കുരുമുളകിന് കുറഞ്ഞ വില നിശ്ചയിച്ചതോടെയാണ് വില ഉയരാൻ തുടങ്ങിയത്. കഴിഞ്ഞ ഒരാഴ്ച്ചയ്ക്കുള്ളിൽ 31 രൂപയാണ് കുരുമുളകിന് കൂടിയത്.

അൺ​ഗാർബിൾഡ് കുരുമുളകിന് 412 രൂപയാണ് ബുധനാഴ്ച്ചത്തെ വില. ​ഗാർബിൾഡിന് 432 രൂപയും. ഇറക്കുമതി മുളകിന് കിലോയ്ക്ക് 500 രൂപയാണ് കേന്ദ്ര സർക്കാർ കുറഞ്ഞ വില പ്രഖ്യാപിച്ചിരിക്കുന്നത്.

എന്നാൽ കഴിഞ്ഞ ദിവസങ്ങളിൽ കച്ചവടം മന്ദ​ഗതിയിലാണെന്ന് വ്യാപാരികൾ പറയുന്നു. കുരുമുളകിന് വില വീണ്ടും കൂടുമെന്ന പ്രതീക്ഷയിലാണ് കർഷകർ. അതിനാലാണ് ഇപ്പോൾ കച്ചവടം നടക്കാത്തതും. വില കൂടുമ്പോൾ വിൽക്കാനായി ചരക്ക് കരുതി വയ്ക്കുന്നതാണ് ഇതിന് കാരണം.

ശ്രീലങ്ക, വിയറ്റ്നാം തുടങ്ങിയ രാജ്യങ്ങളിൽ നിന്നാണ് കേരളത്തിലേയ്ക്ക് കുരുമുളക് ഇറക്കുമതി ചെയ്യാറ്. കുറഞ്ഞ വില നിശ്ചയിച്ചതോടെ ഈ രാജ്യങ്ങളിൽ നിന്നുള്ള ഇറക്കുമതി കുറഞ്ഞു.

malayalam.goodreturns.in