സാധാരണക്കാരുടെ ഐഫോൺ വാങ്ങൽ ഇനി സ്വപ്നങ്ങളിൽ മാത്രം. ആപ്പിള്‍ ഐഫോണുകളുടെ വിലയിൽ വൻ വര്‍ദ്ധനവ്. വിവിധ മോഡലുകൾക്ക് 3.5 ശതമാനം വരെയാണ് ആപ്പിള്‍ വില വര്‍ദ്ധിപ്പിച്ചിരിക്കുന്നത്.

ഇന്ത്യയിൽ നിർമ്മിച്ച ഐഫോൺ എസ്ഇയ്ക്ക് മാത്രമാണ് വില വർദ്ധനവ് ബാധകമാകാത്തത്. സർക്കാർ ഇറക്കുമതി തീരുവ ഉയർത്തിയതിനെ തുടർന്നാണ് വില ഉയർത്തിയത്.

ഐഫോൺ 6ന്റെ വില 1,280 രൂപ ഉയർന്ന് 30,780 രൂപയായി. ഏറ്റവും വില കൂടിയ ഐഫോൺ എക്സിന്റെ വില 3,720 രൂപയാണ് കൂടിയത്. 66,120 രൂപയായിരുന്ന ഐഫോൺ 8ന്റെ ഇപ്പോഴത്തെ വില 64,000 രൂപയാണ്.

ആഭ്യന്തര ഉത്പാദനം വർദ്ധിപ്പിക്കുന്നതിന് ടെലിവിഷൻ, മൊബൈൽ ഫോൺ, പ്രൊജക്ടർ, വാട്ടർ ഹീറ്റർ തുടങ്ങിയ ഇലക്ട്രോണിക് ഉപകരണങ്ങളുടെ കസ്റ്റംസ് തീരുവ ധന മന്ത്രാലയം ഉയർത്തിയിരുന്നു. ഡിസംബര്‍ 18 മുതല്‍ പുതിയ വില നിലവില്‍ വന്നു.

malayalam.goodreturns.in