ക്രിസ്മസ് തിരക്ക് ആരംഭിച്ചതോടെ വിമാന കമ്പനികളും കൊള്ള തുടങ്ങി. യാത്രക്കാരുടെ എണ്ണം കൂടിയതോടെ ആഭ്യന്തര വിമാന യാത്രാ നിരക്ക് കമ്പനികൾ കുത്തനെ കൂട്ടി.

ക്രിസ്മസിനോട് അടുത്ത ദിവസങ്ങളായ 22, 23 തീയതികളിൽ വൻ തുകയാണ് കമ്പനികൾ ഈടാക്കുന്നത്. ഡൽഹിയിൽ നിന്ന് കൊച്ചി വരെയുള്ള നിരക്ക് 18000 മുതൽ 27000 രൂപ വരെയാണ്. 4000 മുതൽ 4500 രൂപ വരെയായിരുന്നു സാധാരണ നിരക്ക്.

മുംബൈ - കൊച്ചി ടിക്കറ്റ് നിരക്ക് സാധാരണ നിലയിൽ 2500 മുതൽ 3000 രൂപ വരെയാണ്. എന്നാൽ ഇപ്പോൾ 14000 മുതൽ 16000 രൂപ വരെയാണ് വിവിധ കമ്പനികൾ ഈടാക്കുന്നത്.

ബംഗളൂരിവിൽ നിന്ന് കൊച്ചിക്ക് വെറും 1200 രൂപ മാത്രമായിരുന്നു നിരക്ക്. ഇത് കുത്തനെ ഉയർന്ന് 8400 രൂപ മുതൽ 16000 രൂപ വരെയായി.

malayalam.goodreturns.in