ഇഷ്ടമുള്ള മൊബൈൽ സേവനദാതാവിനെ തിരഞ്ഞെടുക്കാനുള്ള സ്വാതന്ത്ര്യം ഇന്ന് ഉപഭോക്താവിനുണ്ട്. അതിനുവേണ്ടിയാണ് പോർട്ടിങ്ങ് ‌സംവിധാനം. നിലവിലുള്ള ഓഫറുകളിലും ആനുകൂല്യങ്ങളിലും കോൾ, ഇന്റർനെറ്റ് നിരക്കുകളിലും തൃപ്തരല്ലെങ്കിൽ ഉപഭോക്താവിന് മറ്റേതെങ്കിലും ടെലകോം സേവനദാതാവിലേക്ക് മാറാം, അതും നിലവിലുള്ള നമ്പറിൽ മാറ്റമില്ലാതെ.

എന്നാൽ പോർട്ട് ചെയ്യുമ്പോഴുള്ള പ്രൊസസിങ്ങ് ചാർജ്ജ് അൽപം കൂടുതലാണെന്ന് പല കോണുകളിൽ നിന്നും അഭിപ്രായം ഉയർന്നിരുന്നു.

എന്നാലിപ്പോളിതാ മൊബൈൽ നമ്പർ‌ മറ്റേതെങ്കിലും സേവനദാതാക്കളിലേക്ക് പോർട്ട് ചെയ്യാനാ​ഗ്രഹിക്കുന്നവരെ തേടി സന്തോഷ വാർത്ത. പോർട്ട് ചെയ്യാനാനുള്ള പ്രൊസസിങ്ങ് ചാർജ്ജ് നാല് രൂപയാക്കി കുറക്കാൻ ട്രായ് (ടെലകോം റെ​ഗുലേറ്ററി അതോറിറ്റി ഓഫ് ഇന്ത്യ) തയ്യാറെടുക്കുന്നു. നിലവിൽ 19 രൂപയാണ് പ്രൊസസിങ്ങ് ചാർജ്ജ്. പ്രൊസസിങ്ങ് ചാർജ്ജ് കുറക്കുന്നതിനെക്കുറിച്ച് ഓഹരി ഇടപാടുകാരുമായും ട്രായ് ചർച്ച നടത്തും.

2009 നവംബറിലാണ് ട്രായ് പോർട്ട് ചെയ്യുമ്പോളുള്ള പ്രൊസസിങ്ങ് ചാർജ്ജ് 19 രൂപയാക്കുന്നത്. ഈ നിരക്ക് അൽപം കൂടുതലാണെന്ന വിലയിരുത്തലിനെ തുടർന്നാണ് ട്രായ് പുതിയ മാറ്റത്തിനൊരുങ്ങുന്നത്.

malayalam.goodreturns.in