പെട്രോൾ, ഡീസൽ തുടങ്ങിയവ ജിഎസ്ടി (ഗുഡ്സ് ആൻഡ് സർവീസ് ടാക്സ്) യുടെ കീഴിൽ ഉള്‍പ്പെടുത്തുന്നതിന് കേന്ദ്ര സർക്കാരിന് യോജിപ്പ്. എന്നാൽ സംസ്ഥാന സര്‍ക്കാരുകളുമായി ചർച്ച നടത്തിയതിന് ശേഷം മാത്രമേ ഇക്കാര്യത്തില്‍ തീരുമാനം എടുക്കൂവെന്ന് കേന്ദ്ര ധനമന്ത്രി അരുണ്‍ ജെയ്റ്റ്‌ലി പറഞ്ഞു. രാജ്യസഭയിലെ ചോദ്യോത്തരവേളയിലാണ് അദ്ദേഹം ഇക്കാര്യം വ്യക്തമാക്കിയത്.

പെട്രോളും ഡീസലും ജിഎസ്ടിയുടെ പരിധിയില്‍ കൊണ്ടുവരുന്നതിനെക്കുറിച്ച് സര്‍ക്കാരിന്റെ നിലപാടെന്താണെന്ന മുന്‍ ധനമന്ത്രി പി. ചിദംബരത്തിന്റെ ചോദ്യത്തിന് മറുപടി നല്‍കുകയായിരുന്നു അരുൺ ജയ്റ്റ്ലി.

വൈദ്യുതി, പെട്രോളിയം ഉത്പന്നങ്ങൾ എന്നിവ ഭാവിയിൽ ജിഎസ്ടിയ്ക്ക് കീഴിൽ കൊണ്ടുവരാൻ സാധ്യതയുണ്ടെന്ന് കഴിഞ്ഞ ദിവസം ബീഹാർ ധനകാര്യ മന്ത്രി സുശീൽ മോഡി പറഞ്ഞിരുന്നു. റിയൽ എസ്റ്റേറ്റ്, സ്റ്റാമ്പ് ഡ്യൂട്ടി, വൈദ്യുതി, പെട്രോളിയം ഉൽപ്പന്നങ്ങൾ എന്നിവ കൂടി ജിഎസ്ടിയുടെ ഭാഗമായി തീരണമെന്നാണ് ആ​ഗ്രഹമെന്നും അദ്ദേഹം വ്യക്തമാക്കിയിരുന്നു.

നിലവിൽ കേന്ദ്ര, സംസ്ഥാന സ‍ർക്കാരുകളുടെ വരുമാനത്തിന്റെ 40 ശതമാനം പെട്രോളിയം ഉത്പന്നങ്ങളിൽ നിന്നാണ് ലഭിക്കുന്നത്.

malyalam.goodreturns.in