സ്വർണ വിലയിൽ ഇന്ന് വീണ്ടും വർദ്ധനവ്. പവന് 80 രൂപയാണ് ഇന്ന് കൂടിയത്. മൂന്ന് ദിവസത്തിന് ശേഷമാണ് വിലയിൽ മാറ്റമുണ്ടാകുന്നത്. പവന് 21,440 രൂപയിലും, ഗ്രാമിന് 10 രൂപ വർധിച്ച് 2,680 രൂപയിലുമാണ് വ്യാപാരം പുരോഗമിക്കുന്നത്.

കഴിഞ്ഞ മൂന്ന് ദിവസമായി 21,360 രൂപയായിരുന്നു സ്വ‍ർണ വില. ഒരാഴ്ച്ച മുമ്പ് വില കുത്തനെ ഇടിഞ്ഞിരുന്നു. കഴിഞ്ഞ അഞ്ച് മാസത്തിനിടയിലെ ഏറ്റവും കുറഞ്ഞ വിലയ്ക്കാണ് അന്ന് വ്യാപാരം നടന്നത്.

പവന് 20,800 രൂപയും ഗ്രാമിന് 2,600 രൂപയുമാണ് ഈ മാസത്തെ ഏറ്റവും കുറഞ്ഞ വില. ജൂലൈയിലാണ് ഇതിന് മുന്‍പ് സ്വർണ വില ഇത്രയും കുറയുന്നത്.

ഈ മാസത്തെ ഏറ്റവും കൂടിയ നിരക്ക് 21,920 രൂപയാണ്. ഡിസംബർ ആദ്യ വാരമാണ് ഈ വിലയ്ക്ക് വ്യാപാരം നടന്നത്. പുതുവർഷത്തിൽ സ്വ‍ർണം വാങ്ങാൻ ഇരിക്കുന്നവർ വില കൂടുമോ കുറയുമോ എന്ന് കാത്തിരിക്കുകയാണ്.

malayalam.goodreturns.in