ദേശീയ സമ്പാദ്യ പദ്ധതി (എൻഎസ്‍സി), പബ്ലിക് പ്രൊവിഡന്റ് ഫണ്ട് (പിപിഎഫ്) തുടങ്ങിയ ചെറു നിക്ഷേപ പദ്ധതികളുടെ പലിശ നിരക്ക് കുറച്ചു. 0.2 ശതമാനം കുറവാണ് കേന്ദ്രസ‍ർക്കാ‍‍ർ വരുത്തിയിരിക്കുന്നത്. വിജ്ഞാപനമനുസരിച്ച് പിപിഎഫ്, എൻഎസ്‍സി എന്നിവയുടെ പലിശ നിരക്ക് 7.6 ശതമാനമാകും.

സുകന്യ സമൃദ്ധി അക്കൗണ്ട്, കിസാൻ വികാസ് പത്ര തുടങ്ങിയ അക്കൗണ്ടുകൾക്കും പലിശ നിരക്കിലെ കുറവ് ബാധകമാണ്. എന്നാൽ മുതി‍ർന്ന പൗരന്മാ‍ർക്കുള്ള നിക്ഷേപ പദ്ധതിയുടെ പലിശ നിരക്കിൽ മാറ്റമില്ല.

അഞ്ചു വർഷം കാലാവധിയുള്ള മുതിർന്ന പൗരന്മാ‍ർക്കുള്ള നിക്ഷേപ പദ്ധതിയുടെ കാലാവധിയാണ് 8.3 ശതമാനമായി നിലനി‍ർത്തുക. സേവിം​ഗ്സ് ബാങ്ക് നിക്ഷേപങ്ങളുടെ പലിശ നിരക്ക് നാല് ശതമാനമായി തന്നെ തുടരും.

കഴിഞ്ഞ വർഷവും നിക്ഷേപ പദ്ധതികളുടെ പലിശ നിരക്കിൽ മാറ്റം വരുത്തിയിരുന്നു. ഏപ്രിൽ മുതലാണ് എല്ലാ പാദവർഷത്തിലും ചെറുനിക്ഷേപ പദ്ധതികളുടെ പലിശ നിരക്കിൽ മാറ്റം വരുത്താൻ തീരുമാനിച്ചത്.

malayalam.goodreturns.in