പുതുവര്‍ഷത്തോടനുബന്ധിച്ച് വൊഡാഫോണ്‍ വോയ്‌സ് ഡാറ്റാ നിരക്കുകള്‍ കുറച്ചു. പ്രീപെയ്ഡ് ഉപയോക്താക്കള്‍ക്കാണ് ഈ ഓഫർ ലഭിക്കുക. 198 രൂപക്ക് പരിധിയില്ലാത്ത ലോക്കല്‍, എസ്ടിഡി കോളുകളും ഒരു ജിബി 4ജി ഡാറ്റയും ലഭ്യമാക്കുന്ന ഓഫറാണ് വോഡഫോണ്‍ അവതരിപ്പിച്ചിരിക്കുന്നത്.

പ്ലാനിന്റെ കാലാവധി 28 ദിവസമാണ്. റോമിംഗില്‍ ആയിരിക്കുമ്പോഴും ഉപയോക്താക്കള്‍ക്ക് ഈ പ്ലാന്‍ ലഭ്യമാകും. കൂടാതെ 100 എസ്എംഎസും പ്രതിദിനം ലഭിക്കും.

പുതുവർഷത്തോടനുബന്ധിച്ച് പുത്തൻ ഓഫറുകളുമായി റിലയൻസ് ജിയോയും രംഗത്തെത്തിയിരുന്നു. ജിയോ ഹാപ്പി ന്യൂയര്‍ പ്ലാന്‍ 2018 എന്ന പേരിലാണ് പുതിയ ഓഫർ നൽകുന്നത്.

199 രൂപയ്ക്ക് പ്രതിദിനം 1.2 ജിബി ഡാറ്റയാണ് ജിയോ നൽകുന്നത്. 28 ദിവസമാണ് ഈ പ്ലാനിന്റെയും കാലാവധി. ഭാരതി എയര്‍ടെല്‍, ഐഡിയ എന്നീ കമ്പനികളും 199 രൂപയുടെ പ്ലാനുകൾ അവതരിപ്പിച്ചിരുന്നു. 

malayalam.goodreturns.in