പ്രശസ്ത സി​ഗരറ്റ് നിർമ്മാതാക്കളായ മാൾബറോ കമ്പനി സി​ഗരറ്റ് നി‍ർമ്മാണം ഉപേക്ഷിക്കുന്നു. മാള്‍ബറോയ്ക്ക് പുറമേ പാര്‍ലമെന്റ്, ബെന്‍സണ്‍ ആന്‍ഡ് ഹെഡ്ജസ് എന്നീ ലോകോത്തര ബ്രാന്‍ഡ് സിഗരറ്റുകളുടെ നിര്‍മ്മാണവും നിര്‍ത്തുകയാണെന്ന് പുകയില കമ്പനി ഫിലിപ് മോറിസ് ഇന്റര്‍നാഷണല്‍ ഔദ്യോഗികമായി പ്രഖ്യാപിച്ചു.

പുതുവര്‍ഷത്തില്‍ ബ്രിട്ടനിലെ ദിനപത്രങ്ങളില്‍ പരസ്യം നല്‍കിയാണ് മാള്‍ബറോ ഇക്കാര്യം അറിയിച്ചത്. സിഗരറ്റ് നിര്‍മ്മാണത്തില്‍ നിന്ന് മാറി ഇ-സിഗരറ്റ് മേഖലകളിലേക്ക് കൂടുതല്‍ ശ്രദ്ധ ചെലുത്താനാണ് കമ്പനിയുടെ തീരുമാനം.

പുകവലിയില്ലാത്ത നല്ല നാളെയിലേയ്ക്കുള്ള ആദ്യ കാൽ വയ്പ്പാണിതെന്നാണ് കമ്പനിയുടെ പ്രഖ്യാപനം. ഇതിനെ തു‍ടർന്ന് 'സ്‌മോക് ഫ്രീ ഫ്യൂച്ചര്‍' എന്ന പേരില്‍ ഒരു വെബ്‌സൈറ്റും കമ്പനി സ്ഥാപിച്ചിട്ടുണ്ട്.

പുകവലി ഉപേക്ഷിക്കുന്നവര്‍ക്ക് വേണ്ടിയുള്ള ചില നി‍ർദ്ദേശങ്ങളാണ് ഈ വെബ്‌സൈറ്റിൽ ഉള്ളത്. ലോകമെമ്പാടുമായി 180ഓളം രാജ്യങ്ങളിൽ മാൾബറോ വിൽക്കുന്നുണ്ട്.

malayalam.goodreturns.in