ലോകത്തിലെ ഏറ്റവും മികച്ച മൂന്ന് ക്രിപ്റ്റോകൻസികളായ ബിറ്റ്കോയിൻ, എക്സ്ആർപി, എത്തെറിയം എന്നിവ ഇന്നലെ ഇടിവ് രേഖപ്പെടുത്തി. എക്സ്ആർപിയുടെ മൂല്യമാണ് ഏറ്റവും കൂടുതൽ ഇടിഞ്ഞത്. ബിറ്റ്കോയിനും എത്തെറിയവും തൊട്ടു പിന്നിൽ തന്നെയുണ്ട്.
ബിറ്റ്കോയിന്റെ മൂല്യം 6.55 ശതമാനവും എത്തെറിയത്തിന്റേതി 2. 53 ശതമാനവും റൈപ്പിൾ എക്സ്ആർപിയുടേത് 13.80 ശതമാനവുമാണ് ഇടിഞ്ഞത്. ബിറ്റ്കോയിൻ കാഷിന്റെ മൂല്യത്തിൽ 9.05 ശതമാനവും ഇടിവ് രേഖപ്പെടുത്തിയിട്ടുണ്ട്.
ദക്ഷിണ കൊറിയന് സര്ക്കാരിന്റെ ഇടപാടിനെ തുടര്ന്ന് വ്യാഴാഴ്ചയും ബിറ്റ്കോയിന്റെ മൂല്യത്തില് എട്ട് ശതമാനം ഇടിവുണ്ടായിരുന്നു. നിലവിൽ 14,684.09 ഡോളറാണ് ബിറ്റ്കോയിന്റെ മൂല്യം. എത്തെറിയത്തിന്റെ മൂല്യം 1,086.33 ഡോളറാണ്. റൈപ്പിൾ എക്സ്ആർപിക്ക് 2.380 ഡോളറാണ് നിലവിലെ മൂല്യം.
ബിറ്റ്കോയിന് ഇടപാടുകളിൽ കൂടുതൽ ശ്രദ്ധ ചെലുത്തണമെന്ന് മുന്നറിയിപ്പുമായി ധനകാര്യ മന്ത്രാലയം കഴിഞ്ഞ ആഴ്ച്ച വീണ്ടും എത്തിയിരുന്നു. രാജ്യത്തെ ബിറ്റ്കോയിന് എക്സ്ചേഞ്ചുകളിൽ ആദായ നികുതി വകുപ്പ് പരിശോധനയും നടത്തിയിരുന്നു.
malayalam.goodreturns.in