ഈ വർഷം വിമാന ടിക്കറ്റ് നിരക്ക് കൂടാൻ സാധ്യതയുണ്ടെന്ന് റിപ്പോര്ട്ട്. വര്ധിച്ചു വരുന്ന ഇന്ധന വിലയും, ചരക്ക് സേവന നികുതിയുമാണ് (ജിഎസ്ടി) വിമാന യാത്രാ ചെലവ് കൂടാൻ കാരണമെന്നാണ് വിലയിരുത്തൽ.
കഴിഞ്ഞ കുറച്ചു മാസങ്ങളായി വിമാന ടിക്കറ്റ് നിരക്ക് സാമാന്യം കുറവായിരുന്നു. ഇത് പ്രവാസികള്ക്ക് വലിയ ആശ്വാസമാകുകയും ചെയ്തു. എന്നാൽ ഈ വർഷം നിരക്ക് വര്ധിപ്പിച്ചാല് പ്രവാസികള്ക്ക് അത് തിരിച്ചടിയാകും. ടിക്കറ്റ് നിരക്ക് കുറഞ്ഞത് 13 ശതമാനമെങ്കിലും വർദ്ധിക്കാനാണ് സാധ്യത.
നിരക്കില് 10 ശതമാനം മുതല് 15 ശതമാനം വരെ വര്ധനയുണ്ടാകാമെന്നാണ് സൂചന. രാജ്യാന്തര വിപണിയില് ക്രൂഡ് ഓയില് വില 30 മാസത്തിനിടയിലെ ഏറ്റവും ഉയര്ന്ന നിരക്കിലാണിപ്പോള്.
എണ്ണ ഉല്പ്പാദക രാജ്യങ്ങളെല്ലാം ഒറ്റക്കെട്ടായി ഉല്പ്പാദന നിയന്ത്രണം പ്രഖ്യാപിച്ച് നടപ്പിലാക്കി വരികയാണ്. അതിനാല് ഉടൻ ഇന്ധനവില കുറയാൻ സാധ്യതയില്ലെന്നാണ് വിലയിരുത്തൽ.
malayalam.goodreturns.in